Onlayn ictimai-siyasi qəzet
Paşinyanın adamından Bakıya ittiham - GÖRÜN NƏ DEYİB
Ermənistan parlamentinin Xarici Əlaqələr Daimi Komitəsinin sədri, hakim partiyanın üzvü Sarqis Xandanyan X səhifəsində maraqlı paylaşım edib. O, azərbaycanlı həmkarının iki ölkə parlament komitələrinin iclasının keçirilməsi təklifini rədd etdiyini bildirib.
Xandanyanın sözlərinə görə, Azərbaycan parlamentinin Beynəlxalq məsələlər komissiyasının rəhbəri Səməd Seyidova sülh sazişi layihəsinin müzakirəsi üçün iki ölkənin sərhədində görüş təşkil etməyi təklif edib. “Azərbaycanlı həmkarım açıq şəkildə təşəbbüsü rədd etdi və hətta məni ”populist" adlandırdı. Sülh arzusu populizm hesab olunursa, mən bu yarlığı lazım olduğu qədər daşımaqdan qürur duyuram", - Xandanyan qeyd edib.
Paşinyanın adamı həmçinin təklifin qüvvədə qaldığını, parlamentlərarası səviyyədə etimadın möhkəmləndirilməsi yönündə atılan addımlarda iştirak etməyə, regionda sülh və sabitlik naminə fəaliyyətini davam etdirməyə hazır olduğunu bildirib.
Xandanyanın iddiaları əsaslımı?
Aydın Hüseynov
Milli Məclisin deputatı Aydın Hüseynov “Yeni Müsavat”a bildirdi ki, erməni deputat Sarqis Xandanyan verdiyi bu açıqlamadakı bəzi fikirlərin özü populist fikirlərdir: “Məsələn, Xandanyan deyir ki, sülh arzusu populizm hesab olunursa, mən bu yarlığı lazım olduğu qədər daşımaqdan qürur duyuram. Bu cümlə başdan ayağa populizmdir. İkincisi, erməni hara, sülh tərəfdarı olmaq hara? Ermənistan hökumətinin üzvləri, deputatları sülhdən danışsalar da reallıqda sülhdən uzaqdırlar. Son vaxtlar az qala hər gün Azərbaycanla şərti sərhəddə atəşkəsi pozmaları, təxribatlar həyata keçirmələri bir daha təsdiqləyir ki, Ermənistan sülh istəmir, sülh sazişini imzalamamaq üçün bəhanələr axtarır. Xandanyan unudur ki, sülh danışıqları prosesi deputatlar vasitəsilə aparılmır. Sülh prosesi indiyə qədər ilk növbədə ölkələrin birinci şəxsləri, həmçinin onların xüsusi nümayəndələri və xarici işlər nazirləri vasitəsilə aparılıb. Və bundan sonra da belə olacağı aydındır. Erməni deputat bunu, hər halda, bilməmiş deyil. Lakin bildiyi halda o cür açıqlama verirsə, deməli, ənənəvi erməni hiyləgərliyi, yalanı, populizmi yenə öndədir”.
Etibar SEYİDAĞA,
“Yeni Müsavat”
XƏBƏR LENTİ
04 Aprel 2025
ŞƏRHLƏRŞƏRH YAZ