Onlayn ictimai-siyasi qəzet
Paşinyana Parakar ŞOKU
Ermənistanın hakim “Vətəndaş sazişi” partiyasının elitası Parakar şəhərində keçirilən bələdiyyə seçkilərindəki utancverici məğlubiyyətdən sonra hələ də toparlana bilmir.
Musavat.com xəbər verir ki, bu barədə Ermənistanın “Hraparak” qəzeti yazıb.
Qəzetin yazdığına görə, Parakar şəhərində təşviqat kampaniyasında həmin şəhərdən olan əmək və sosial məsələlər naziri Narek Mkrtçyanla yanaşı, Armavir vilayətinin keçmiş qubernatoru Ambartsum Matevosyan, Ermənistanın ərazi idarəetmə və infrastruktur naziri David Xudatyan, vilayətin hazırkı qubernatoru Argişti Mehakyan ciddi şəkildə fəaliyyət göstəriblər.
Hətta Parakar meri postuna hakim partiya tərəfindən namizəd göstərilən Lüdvik Gülnazaryanın yekun mitinqində çıxış edən Narek Mkrtçyan o qədər özündən əmin olub ki, “koalisiya məsələsi olmayacaq, biz 50+ səslə qalib gələcəyik” deyə açıqlama verib.
Qəzet yazır ki, reallıqdan uzaq düşən və bu məğlubiyyətdən sarsılan baş nazir Nikol Paşinyan indi günahkar axtarır, uğursuzluğun məsuliyyətini hakim partiyanın digər nümayəndərlərinin üzərinə atmağa çalışır.
Qeyd edək ki, Parakar şəhərində keçirilən bələdiyyə seçkilərində müxalif “Birlik” bloku qalib gəlib. “Birlik” blokunun namizədi Volodya Qriqoryan səslərin təxminən 56.45%-ni toplayaraq hakim “Vətəndaş sazişi” partiyasının namizədi Lüdvik Gülnazaryanı məğlub edib.
Musavat.com
XƏBƏR LENTİ
06 Aprel 2025
ŞƏRHLƏRŞƏRH YAZ