Onlayn ictimai-siyasi qəzet
Paşinyan: "Azərbaycanla sülh artıq faktdır – biz müharibəsiz yaşamağa öyrəşməliyik"
Ermənistanın baş naziri Nikol Paşinyan bəyan edib ki, Azərbaycanla sülh artıq mövcud və formalaşmış reallıqdır, lakin erməni cəmiyyəti hələ bu yeni şəraitdə yaşamağı öyrənməlidir.
Musavat.com xəbər verir ki, Paşinyan parlamentdə büdcə dinləmələri zamanı çıxış edərək bildirib:
“Biz qəbul etməliyik ki, sülh bizim üçün yeni və tanış olmayan anlayışdır. Ermənistan müstəqilliyin ilk günündən münaqişə şəraitində yaşayıb. Ona görə də sülh şəraitində düşüncə tərzi formalaşdırmaq asan deyil.”
Baş nazirin sözlərinə görə:
Azərbaycanla sülh artıq mövcuddur və gündəlik reallığın bir hissəsidir;
Bu sülh qorunmalı, gücləndirilməli və institusional əsaslara oturdulmalıdır;
Bakı ilə diplomatik danışıqlar, yüksək səviyyəli görüşlər və işçi qrupların müzakirələri davam edir;
Ermənistan üçün əsas məsələ – sülhü qorumaq və sülh psixologiyasını formalaşdırmaqdır.
Paşinyan əlavə edib ki, artıq erməni və azərbaycanlı rəsmilər parlament sədrləri, baş nazir müavinləri və müxtəlif formatlarda mütəmadi təmaslar qururlar:
“Azərbaycanla münasibətlər əvvəllər də həyatımızın ayrılmaz hissəsi idi, sadəcə fərq ondadır ki, indi bu münasibətlər sülh gündəliyinə əsaslanır".
Musavat.com
XƏBƏR LENTİ
29 Oktyabr 2025
ŞƏRHLƏRŞƏRH YAZ