Onlayn ictimai-siyasi qəzet
Özbəkistanda müəllimlər daha qiyabi təhsil ala bilməyəcək
Özbəkistanda gələcək müəllimlər üçün qiyabi kurslar ləğv ediləcək.
Musavat.com yerli mediaya istinadla xəbər verir ki, müəllimlər yalnız gündüz və axşam təhsil formaları üzrə hazırlanacaq. Ölkə prezidenti Şavkat Mirziyoyev 2025-ci il aprelin 28-də pedaqoji təhsilin keyfiyyətinin yüksəldilməsi məqsədilə belə bir sərəncam imzalayıb.
Bundan əlavə, islahat çərçivəsində beynəlxalq təhsil proqramlarında iştirak etmək üçün ən yaxşı müəllimlərin seçilməsi nəzərdə tutulur. Cəmi bir ildən sonra Özbəkistan yeni ixtisas üzrə magistr hazırlığına başlayacaq: “Xəstəxana pedaqogikası”. Bu istiqamət xüsusi təhsil dəstəyi tələb edən uşaqlarla işləmək üçün nəzərdə tutulub.
Ölkə hakimiyyəti həmçinin beynəlxalq standartlara və tələblərə diqqət yetirərək 36 min müəllimin ixtisasını artırmaq niyyətindədir.
Musavat.com
XƏBƏR LENTİ
29 Aprel 2025
ŞƏRHLƏRŞƏRH YAZ