Onlayn ictimai-siyasi qəzet
İsrailli nazir İspaniyanın baş nazirini ölkəsi üçün “rüsvayçılıq” adlandırdı
İsrailin xarici işlər naziri Gideon Saar Vuelta a España velosiped yarışının final mərhələsində Fələstin tərəfdarlarının etirazlarından qəzəblənib. Musavat.com xəbər verir ki, onlar İsrail komandasının yarışda iştirakı fonunda başlayıb və kütləvi iğtişaşlara çevrilib.
Saar X hesabında İspaniyanın baş naziri Pedro Sançesi ölkəsi üçün “rüsvayçılıq” adlandırıb: "Bir neçə gün əvvəl İspaniyanın baş naziri "İsraili dayandırmaq üçün" atom bombasına sahib olmadığına görə təəssüfləndiyini bildirib. Bu gün o, nümayişçiləri küçələrə çıxmağa çağırıb. Fələstin tərəfdarları onun qızışdıran mesajlarını eşidib Vuelta a España velosiped yarışını pozdular. Beləliklə, Sançes hökumətinin hər zaman qürur duyduğu idman hadisəsi baş tutmayıb. İspaniya üçün biabırçılıqdır!".
Qeyd edək ki, Vuelta ilk dəfə 1960-cı ildə keçirilib. Çoxgünlük yarış Giro d'Italia və Tour de France ilə birlikdə üç möhtəşəm turdan biridir. Bu il veloyürüşün final mərhələsi Fələstin bayraqlı fəalların etirazlarına görə ləğv edilib. Nümayişçilər trasa çıxaraq tüstü bombalarından istifadə edərək polislə toqquşublar.
Sentyabrın 3-də trasa çıxan etirazçılara görə velosipedçilər 11-ci mərhələnin finiş xəttinə çata bilməyiblər. Təşkilatçılar ümumi təsnifat üçün vaxtı finişə 3 km qalmış qeyd etmək qərarına gəliblər. 16-cı mərhələnin məsafəsi etirazçıların finişə qədər yolu bağlaması səbəbindən 8 km qısaldılıb. Etirazlara İsrail Premier-Tech velosiped komandasının yarışda iştirakı səbəb olub. Çoxgünlük tədbirin gedişində komandadan adından “İsrail” sözünü çıxarmaq istənilib.
Musavat.com
XƏBƏR LENTİ
15 Sentyabr 2025
ŞƏRHLƏRŞƏRH YAZ