Onlayn ictimai-siyasi qəzet
"Oreşnik" təhdidinə CAVAB: ABŞ nüvə bombalarını BU ÖLKƏLƏRDƏ YERLƏŞDİRİR
Rusiyanın "Oreşnik" raket kompleksini işə salmasına cavab olaraq, ABŞ-ın Polşa və ya Ukraynada "B-61" tipli nüvə bombalarını yerləşdirmək ehtimalı müzakirə mövzusudur.
Musavat.com xəbər verir ki, bu barədə ABŞ-ın nüfuzlu "The National Interest" nəşri məlumat yayıb.
Qeyd edilir ki, hazırda qlobal təhlükəsizlik vəziyyəti ciddi şəkildə dəyişir və bölgədə hərbi-strateji balans narahatlıq doğurur.
Xüsusilə "Oreşnik" raket kompleksinin aktivləşdirilməsi Qərbdə geniş müzakirələrə və narahatlığa səbəb olub. Bu addım NATO-nun Şərq cinahında təhlükəsizlik tədbirlərini gücləndirməsini zəruri edə bilər.
Nəşr vurğulayır ki, "mövcud geosiyasi reallıqlar nəzərə alınaraq, münaqişənin inkişafı fonunda ABŞ-ın nüvə arsenalını yerləşdirmək qərarı tamamilə istisna edilə bilməz".
Analitiklərin fikrincə, ABŞ-ın bu cür addımı yalnız hərbi-strateji əhəmiyyət daşımayacaq, həm də ciddi siyasi mesaj xarakteri daşıyacaq. Bu, NATO-nun Rusiya təhdidlərinə qarşı cavab verməyə hazır olduğunu nümayiş etdirməklə yanaşı, həm də Polşa və Ukrayna kimi müttəfiq ölkələrin təhlükəsizliyini təmin etmək məqsədi daşıyır.
Musavat.com
XƏBƏR LENTİ
05 Fevral 2025
ŞƏRHLƏRŞƏRH YAZ