Onlayn ictimai-siyasi qəzet
Öldürdüyü düşünülürdü, çoxalırmış - Yeni növ bakteriya tapıldı
Çinli və ABŞ-li mikrobioloqlar Honkonq ərazisində əvvəllər məlum olmayan bakteriya ştamı aşkar ediblər ki, bu da antiseptiklərin təsirinə davam gətirə bilir və onlardakı spirt və ammonyak molekulları ilə qidalana bilir.
Musavat.com oxu.az-a istinadən bildirir ki, bu barədə Sian Tszyaotun-Liverpul Universitetinin Mətbuat Xidməti məlumat yayıb.
"Bu bakteriyanın genomu ona məişət kimyəvi məhsullarında olan ammonium ionlarını "həzm etməyə", həmçinin antiseptiklərin istehsalında istifadə olunan spirtləri parçalamağa imkan verir. Bu, mikroblara qida mənbələrinə məhdud çıxış şəraitində sağ qalmağa və şəhər mühitində digər bakteriyalarla rəqabətdə qalib gəlməyə imkan tanıyır", - deyə universitetin dosenti Tong Xinzhao bildirib.
Tong Xinzhao və həmkarları bu kəşfi Honkonqun şəhər mühitində yaşayan mikrobların özünəməxsus "siyahıyaalınması" zamanı ediblər. Bu məlumatları əldə etmək üçün alimlər bu meqapolisin müxtəlif bölgələrindən 738 nümunə toplayıblar, o cümlədən sakinlərin dəri səthindən çoxlu sayda nümunələr götürüblər, mikrobların genom strukturlarını deşifrə edib və onları öyrəniblər.
Bu təhlil zamanı bioloqlar əvvəllər elmə məlum olmayan 360-dan çox bakteriya ştamı aşkar edə biliblər. Tədqiqatçıların diqqətini üç növ dəri mikrobu cəlb edib ki, onlardan biri adətən Antarktidada rast gələn "eremiobacterota" tipinə aiddir. Digər ikisi isə adətən digər bakteriyaların daxilində yaşayan "patescibacteria" üst tipinə aiddir.
Bakteriyaların birinci forması maraqlı idi, çünki onun DNT-sində müxtəlif antiseptiklərin istehsalında geniş istifadə olunan qeyri-üzvi azot birləşmələrinin və spirtlərin parçalanmasına cavabdeh olan genlər var idi. Digər iki mikrob qeyri-adi qısa genoma malikdir və eyni zamanda A vitamininin əsası olan karotin molekullarını, həmçinin Q10 antioksidantını istehsal edə bilir ki, bu da həmin bakteriyaların simbiotik xarakterini göstərir.
XƏBƏR LENTİ
07 Noyabr 2024
06 Noyabr 2024
ŞƏRHLƏRŞƏRH YAZ