Onlayn ictimai-siyasi qəzet
Netanyahu indi də Misiri hədəf alıb: ABŞ-dan tələb edir ki...
İsrailin baş naziri Benyamin Netanyahu Vaşinqton administrasiyasından Sinay yarımadasında öz qüvvələrini və hərbi infrastrukturunu gücləndirdiyinə görə Misirə təzyiq göstərməyi xahiş edib.
Musavat.com xəbər verir ki, məlumatı Axios portalı yayıb.
Amerika və İsrail rəsmiləri arasındakı mənbələrə görə, Netanyahu "Tramp administrasiyasından Misirə Sinay yarımadasındakı son hərbi iştirakını azaltmaq üçün təzyiq göstərməyi xahiş edib".
Nəşrin məlumatına görə, Netanyahu bu həftənin əvvəlində Qüdsdə keçirdiyi görüşdə ABŞ dövlət katibi Marko Rubioya “Misir tərəfindən Sinay yarımadasında 1979-cu ildə İsraillə imzalanmış sülh müqaviləsini ciddi şəkildə pozduğunu iddia etdiyi hərəkətlərin siyahısını” təqdim edib.
Nəşrin yəhudi dövlətindəki mənbələri iddia edir ki, Misir tərəfi yarımadada “hücum məqsədləri üçün istifadə oluna bilən” hərbi infrastruktur qurur. İsrail rəsmiləri Misir bazalarında uçuş-enmə zolaqlarının uzadıldığını və raketlərin saxlanması üçün istifadə oluna biləcək yeraltı qurğuların tikildiyini bildiriblər. “Rəsmilərin fikrincə, misirlilərin bu obyektlərdə həqiqətən raket saxladıqlarına dair heç bir sübut yoxdur”.
İsrail tərəfinin bildirdiyinə görə, İsrail nümayəndələrinin “diplomatik və hərbi kanallar vasitəsilə” sorğularına Qahirə bu hərəkətləri ilə bağlı “ağıllı izahat verməyib”.
Musavat.com
XƏBƏR LENTİ
21 Sentyabr 2025
20 Sentyabr 2025
ŞƏRHLƏRŞƏRH YAZ