Onlayn ictimai-siyasi qəzet
Neft qiymətləri tezliklə 70 dollardan aşağı düşə bilər – Treyderlər pessimist danışdılar
Brent neftinin qiyməti tezliklə bir barel üçün 70 dollardan aşağı düşə bilər.
Musavat.com Bloomberg-ə istinadən xəbər verir ki, bunu Trafigura treyderinin neft departamentinin rəhbəri Ben Lukok deyib.
Asiya-Sakit Okean Neft Konfransında (APPEC) çıxış edən ekspert bazarı həddən artıq pessimist olmaqdan çəkinməyə çağırıb: "Bu təhlükəlidir, çünki baş verə biləcək çoxlu gözlənilməz şeylər var. Mən qiymətlərin aşağı düşməsi ehtimalına daha çox inanmazdım".
Neft qiymətləri iyulun ortalarında qlobal tələb və OPEC+ ölkələrinin təklifinin artması ilə bağlı narahatlıqlar səbəbindən düşməyə başlayıb və indi ilin əvvəlindən mənfi dinamika nümayiş etdirir.
Gunvor treyderinin rəhbəri Torbjorn Tornqvist də mənfi proqnozu bölüşür: “İndi dünya istehlak etdiyindən qat-qat çox neft hasil edir və bu tarazlığın yaxın illərdə daha da pisləşəcəyi gözlənilir”.
Energy Pathways şirkətindən Jeff Curry bir az daha optimist fikirdədir. O, Çin iqtisadiyyatındakı problemləri qeyd etməklə yanaşı, ABŞ-da gözlənilən faiz endiriminin investorların əhval-ruhiyyəsini dəstəkləyə biləcəyini vurğulayıb: “Gələcəkdə neft və digər enerji resurslarına tələbatın artması Hindistan, Afrika və Latın Amerikasının bəzi bölgələri kimi regionlar hesabına baş verəcək”.
Musavat.com
XƏBƏR LENTİ
10 Noyabr 2024
03:17
09 Noyabr 2024
ŞƏRHLƏRŞƏRH YAZ