Onlayn ictimai-siyasi qəzet
Milli valyutaya TƏZYİQ ARTIR: Dollar Azərbaycanda da bahalaşacaq?
İranda dolların məzənnəsi rekord həddə yüksəlib. “Azad İran” “Telegram” kanalının yaydığı məlumata görə, son günlər İran milli valyutası dollar qarşısında sürətlə dəyər itirir. Hazırda Tehran birjasında 1 ABŞ dolları 83 035 tümənə mübadilə olunur.
Dolların qonşu ölkədə bahalaşması Azərbaycanda da yaşana bilərmi?
Mövzu ilə bağlı Medianews.az-a danışan iqtisadçı Eldəniz Əmirov bildirib ki, İranda dolların bahalaşması gözlənilən idi.
Onun sözlərinə görə, ABŞ-nin yeni Prezidenti Donald Trampın öz səlahiyyətlərinin icrasına başlayandan sonra bir çox istiqamətlərdə, ələlxüsus da müəyyən ölkələrə qarşı ciddi, qəti addımlar atacağı gözlənilir: “Bu ölkələrdən biri də İrandır. Bu faktor ölkənin milli valyutasına təzyiqi artırır. İnsanlar ehtiyatla yanaşırlar və dollarlaşma prosesi sürətlənir. Bu isə İranın milli valyutasının dəyər itirməsinə gətirib çıxarır”.
İqtisadçı Azərbaycanda manatın məzənnəsinin sabit saxlanılması, İranda dolların bahalaşması prosesinin ölkəmizdə də yaşanması ehtimalına da münasibət bildirib: “Qonşu ölkələrdə olan valyutaların dəyər itirməsi Azərbaycan manatının məzənnəsinə birbaşa təsir göstərə bilmir. Ona görə ki, manatın məzənnəsi Mərkəzi Bank tərəfindən inzibati yollarla tənzimlənir. Manatın məzənnəsində hazırda hər hansısa bir risk müşahidə edilmir. Hesab edirəm ki, neft qiymətləri bugünkü vəziyyətdə qaldığı şəraitdə xarici ticarət balansında olan müsbət saldo, ümumiyyətlə, tədiyyə balansının göstəriciləri manatın məzənnəsi ilə bağlı narahat olmaq üçün əsas vermir. Məsələn, qarşıdakı dönəmdə, uzun müddətli dövr ərzində neft qiymətləri kəskin aşağı düşüb 40-50 dollar üzərində olarsa və bu aylarla davam edərsə, o zaman artıq manatın məzənnəsi ilə bağlı narahat olmağa dəyər. Amma hazırkı şəraitdə hansısa ciddi riskin olmadığını düşünürəm”.
XƏBƏR LENTİ
25 Yanvar 2025
00:33 Rusiya miqrantlara qarşı ŞANTAJ siyasətində DALANA DİRƏNƏCƏK - Üzeyir Cəfərovdan UNİKAL TƏHLİL
24 Yanvar 2025
ŞƏRHLƏRŞƏRH YAZ