Onlayn ictimai-siyasi qəzet
Məşhur avtoritet öldü - “Dörd qardaş” necə yarandı?
Qazaxıstanın “Dörd qardaş” mütəşəkkil cinayətkar qruplaşmasının liderlərindən biri Erkin İzbasar dünyasını dəyişib.
2018-ci ilin avqustunda o, 12 il müddətinə azadlıqdan məhrum edilib. Hakimiyyət İzbasarın böyük təsir imkanlarından ciddi narahat olurdu. Bunu nəzərə alaraq ondan cəzasını ciddi rejimli koloniyada çəkməsi tələb edildi. 2021-ci ilin noyabrında isə artıq birinci qrup əlil olan İzbasar səhhəti ilə əlaqədar evə buraxılıb.
O, hələ sərbəst güləşlə fəal məşğul olarkən “Dörd qardaş” mütəşəkkil cinayətkar qrupunun yaradıcılarından biri olub. Bir neçə il ərzində İzbasar Qazaxıstanın kriminal aləmində görkəmli şəxsiyyətə çevrildi.
1996-cı ildə Alma-Atada vəziyyətə nəzarət edən dəstə ilə İzbasarın qrupu arasında ciddi qarşıdurma olur. İzbasar ona izah edir ki, “obşak”a falan pul verməyəcək. Qruplar arasında müharibə başlayır və idmançı ordusununun həmlələrinin birində cəhd uğursuz olur. Bu savaşdan sonra İzbasar ömrünün sonuna qədər əlil arabasında qaldı. 2000-ci illərin ortalarında Moskva Dikul klinikasında müalicə olundu, onurğa xəstəliyini aradan qaldırmağa çalışdı, lakin bir daha ayağa qalxmadı, lakin bu, onun mütəşəkkil cinayətkarlıqda fəal iştirakına mane olmadı.
O, cinayət yolu ilə əldə edilən pulun bir hissəsini nümayişkaranə şəkildə idmanın dəstəkləməyə yönəltdi. Mütəşəkkil cinayətkar dəstənin lideri üçün qayğıkeş xeyriyyəçi obrazı yaranmışdı. Bu, yüksək rütbəli məmurlarla əlaqələr qurmağa kömək etdi, onlar da sonradan müəyyən xidmətlər müqabilində Erkindən maddi yardım aldılar. Beləliklə “Dörd qardaş”ın şöhrəti bütün dünyaya yayılırdı.
2016-cı il dekabrın 7-də isə mütəşəkkil cinayətkar dəstənin bir neçə əsas üzvü, ən əsası isə Erkinin özü və yaxın adamı Auxat Kaliyev saxlanılıb. Erkin 2018-ci ildə cinayətkar birlik təşkil etmək və neft oğurluğu da daxil olmaqla on ittiham üzrə təqsirli bilinib və 12 il müddətinə azadlıqdan məhrum edilib.
Hazırda isə onun uzun sürən xəstəlikdən sonra dünyasını dəyişdiyini bildirirlər.//Lent.az
XƏBƏR LENTİ
24 Noyabr 2024
ŞƏRHLƏRŞƏRH YAZ