Onlayn ictimai-siyasi qəzet
Medvedyev Qərb siyasətçilərinə "diaqnoz" qoyub
Rusiya Təhlükəsizlik Şurasının sədr müavini Dmitri Medvedyev avropalı siyasətçilərə qarşı kəskin bəyanatla çıxış edib, onları rusofobiyada ittiham edib.
Musavat.com ArbatMedia portalına istinadla xəbər verir ki, müraciətində o, bu fenomeni "Russomaniya" kimi xarakterizə edib. Onun fikrincə, bu psixi patologiya Avropa ölkələrinin liderlərinin əhəmiyyətli bir hissəsinə təsir edir.
Medvedyevin “diaqnoz”una görə, bu vəziyyətin iki mərhələsi var - manik və depressiv. Onun fikrincə, manik mərhələ həddindən artıq aktivlik, aqressiya və imkanlarını real qiymətləndirmədən hücum etmək istəyi ilə özünü göstərir. Nümunə olaraq o, Fransa prezidenti Emmanuel Makron və Böyük Britaniyanın baş naziri Keyr Starmeri qeyd edib.
Eks-prezidentin fikrincə, depressiv mərhələ melanxoliya, həyati enerjinin itirilməsi və qidalanma pozğunluğu ilə müşayiət olunur. Bu kontekstdə o, Avropa Komissiyasının rəhbəri Ursula fon der Leyen və Estoniyanın baş naziri Kaya Kallası xüsusi qeyd edib.
Medvedyevin qeyd edib ki, "Rusiya"nın müalicəsi güclü sedativlərin istifadəsi ilə simptomatik yanaşma tələb edir. O, həmçinin əlavə edib ki, vaxtında müdaxilə xəstələrin vəziyyətini yaxşılaşdıra bilər.
Onu da qeyd edək ki, Medvedyevin özü 3 ildir ki, həftədə 3 dəfə bu cür çılğın və aqressiv bəyanatlarla çıxış edir, tez-tez Avropa ölkələrini və Ukraynanı nüvə silahı ilə hədələyir.
Musavat.com
XƏBƏR LENTİ
02 Aprel 2025
ŞƏRHLƏRŞƏRH YAZ