Onlayn ictimai-siyasi qəzet
Medvedevdən Baydenə sərt ifadələr: "Reallıqdan qopmuş marazmatik"
Rusiya Təhlükəsizlik Şurası sədrinin müavini Dmitri Medvedev ABŞ prezidenti Co Baydeni "gəzən ölülərdən biri", "qoca" və "marazmatik" adlandırıb.
Musavat.com xəbər verir ki, bu barədə o, Telegram kanalında yazıb.
"Keçmişdə ümumilikdə təcrübəli və ağıllı siyasətçi olan Baydenin (o, hələ Sovet dönəmində yüksək vəzifələrdə çalışıb) zamanla reallıqdan qopmuş marazmatikə çevrildiyini müşahidə etmək olar. Mən onunla ünsiyyətdə olanda demensiya əlamətləri yox idi. Ancaq diqqətimi çəkən bir şey – Ukraynaya qarşı qeyri-sağlam marağı idi, bunu isə Obamanın tapşırığı ilə izah etmişdi," – deyə Medvedev qeyd edib.
Medvedev həmçinin bildirib ki, Rusiya-Amerika münasibətlərinin tam normallaşması onilliklər sürə bilər. "Hazırkı vəziyyətdə belə bir normallaşma prinsipcə mümkün deyil. Açığı desək, bu, ümumiyyətlə lazımdırmı, o da məlum deyil," – deyə o əlavə edib.
Musavat.com
XƏBƏR LENTİ
19 Yanvar 2025
ŞƏRHLƏRŞƏRH YAZ