Onlayn ictimai-siyasi qəzet
Mask Trampa qarşı çıxır? – respublikaçılar narahatdır
ABŞ-da siyasi dairələrdə maraqlı gəlişmələr yaşanır.
Musavat.com xəbər verir ki, məşhur milyarder və "Tesla", "SpaceX" kimi nəhəng şirkətlərin rəhbəri olan İlon Maskın son açıqlamaları Respublikaçılar Partiyasında ciddi narahatlıq yaradıb.
NBC telekanalının məlumatına görə, ABŞ prezidenti Donald Trampın ətrafı Maskın tez-tez mediaya müsahibə verməsinin arzuolunmaz olduğunu düşünür. Onların fikrincə, Maskın tənqidi fikirləri birbaşa Trampın bəyanatları ilə ziddiyyət təşkil edir və partiya daxilində gərginlik yaradır.
Mənbələr bildirir ki, bəzi respublikaçılar Maskın çıxışlarının seçkilərə təsir edəcəyindən ehtiyatlanırlar. Xüsusilə Maskın hökumət siyasətinə və Tramp administrasiyasının bəzi qərarlarına yönəlmiş tənqidləri Ağ Ev üçün əlavə problemlər yarada bilər.
Qeyd edək ki, İlon Mask daha öncə də bir neçə dəfə ABŞ siyasətinə açıq şəkildə müdaxilə edib və müxtəlif siyasi mövzularda sərt fikirlər səsləndirib. Onun Tramp administrasiyasına münasibəti zaman-zaman dəyişib, lakin son açıqlamaları gərginliyin daha da artdığını göstərir.
Mövzu ilə bağlı Trampın rəsmi nümayəndələri hələlik açıqlama verməyiblər. Mask isə öz sosial media hesablarında sərbəst ifadə tərzini davam etdirir.
Musavat.com
ƏLAQƏLİ XƏBƏRLƏR
XƏBƏR LENTİ
25 Mart 2025
ŞƏRHLƏRŞƏRH YAZ