Onlayn ictimai-siyasi qəzet
Marketlərdə, restoranlarda, hotellərdə aprelin 1-nə qədər… - VACİB XƏBƏR
Bayram ərəfəsində qiymət artımı insanları hər il eyni vəziyyətlə qarşı-qarşıya qoyur. Hər dəfə eyni mənzərə: iaşə obyektlərində, turizm zonalarında, hətta nəqliyyat sektorunda qiymət fərqi hiss olunur.
Bu artımın qarşısını almaq mümkündürmü?
Musavat.com xəbər verir ki, Yenisabah.az məsələni iqtisadçı Fuad İbrahimovla müzakirə edib.
Ekspert bildirib ki, bayram ərəfəsində qiymət artımı artıq adi hala çevrilib:
“Bu tendensiya hər il müşahidə olunur.12 günlük bayram tətilində iftar süfrəsi təşkil edən iaşə obyektlərində qiymətlərin yüksələcəyi qaçılmazdır. Necə ki, Novruz bayramı zamanı çərəzlər və digər məhsulların bahalaşmasını gördük, eyni vəziyyət burada da təkrarlanacaq.
Bundan əlavə, bayram günlərində bölgələrə səfər edən vətəndaşlar hotel və turizm zonalarında da qiymət fərqini hiss edəcəklər. Təkcə istirahət mərkəzlərində deyil, hətta əvvəllər ödənişsiz olan idman komplekslərindən istifadə üçün belə müəyyən ödəniş tələb olunacaq”.
İqtisadçı qeyd edib ki, təyyarə ilə səyahət etməyi planlaşdıranlar da qiymət artımına hazır olmalıdırlar:
“Əlverişli biletlər öncədən satıldığı üçün qalan biletlər daha baha qiymətə təklif olunacaq.
Bütün bunların qarşısını almaq çətindir. Sağlam rəqabət mühiti olsa, müştəriləri cəlb etmək üçün qiymətlər daha sabit qala bilər. Lakin bayramqabağı dövrdə bu vəziyyətdən istifadə edilməsi artıq adət halını alıb. Aprelin ilk günlərindən etibarən qiymətlər yenidən normallaşacaq”.
XƏBƏR LENTİ
25 Mart 2025
ŞƏRHLƏRŞƏRH YAZ