Onlayn ictimai-siyasi qəzet
ABŞ-da Rusiya üzrə aparıcı ekspert gizli məlumatlara çıxışdan məhrum edildi
ABŞ Mərkəzi Kəşfiyyat İdarəsinin (MKİ) Rusiya üzrə aparıcı eksperti Alyaskada keçirilən Rusiya-Amerika sammitindən sonra gizli məlumatlara çıxış imkanı verən təhlükəsizlik icazəsindən məhrum edilib.
Musavat.com xəbər verir ki, məlumatı “The Washington Post” öz mənbələrinə istinadən yayıb.
Nəşrin yazdığına görə, orada 29 il işləmiş MKİ karyera əməkdaşı avqustun 19-da təhlükəsizlik icazəsindən məhrum edilib. Qeyd olunur ki, həmin işçi o vaxt Avropaya göndərilməyə hazırlaşırmış, orada o, təyinatı əvvəllər MKİ direktoru Con Ratkliff tərəfindən təsdiq edilmiş “prestijli vəzifə” tutmalı idi.
Nəşr qeyd edir ki, “Rusiya üzrə aparıcı ekspertlər”dən biri olan əməkdaş avqustun 15-də Rusiya və ABŞ prezidentləri Vladimir Putin və Donald Trampın Alyaskada keçiriləcək görüşünə hazırlıqda fəal iştirak edib. Nəşr onun təhlükəsizlik icazəsindən nə üçün məhrum edilməsinin səbəblərini göstərmir.
Avqustun 19-da ABŞ Milli Kəşfiyyatının direktoru Tulsi Qabbard X-də prezident Donald Trampın göstərişi ilə 37 hazırkı və keçmiş ABŞ kəşfiyyatçısının təhlükəsizlik icazələrindən məhrum edildiyini açıqlayıb. Qabbardın sözlərinə görə, onlar “kəşfiyyat məlumatlarından siyasi məqsədlər üçün istifadə və manipulyasiya etməklə, onu icazəsiz sızdırmaqla” ictimai etimaddan sui-istifadə ediblər və digər “kəşfiyyat standartlarının kobud şəkildə pozulmasına” yol veriblər.
Musavat.com
XƏBƏR LENTİ
29 Avqust 2025
ŞƏRHLƏRŞƏRH YAZ