Onlayn ictimai-siyasi qəzet
Manatın məzənnəsi və dollarla bağlı VACİB AÇIQLAMA
Deputat, Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov “dollara olan yüksək tələb nə zaman azalacaq?” sualına cavab olaraq maraqlı təhlilini bölüşüb.
Musavat.com bildirir ki, millət vəkili dekabr ayında dollara tələbin artmaqda davam etdiyini bildirib:
“Dünən keçirilən hərracda 89.7 milyon dollarlıq sifariş olub. Bütövlükdə, bu ayın geridə qalan günlərində hərraclarda 446.1 milyon dollar satılıb. Bu ötən ay hərraclarda qeydə alınan 234,7 dollarlıq sifariş ilə müqayisədə təxminən 2 dəfə çoxdur. Qeyd edək ki, 2023-cü ilin oktyabr ayı ərzində hərraclarda 202,6 milyon dollar məbləğində vəsait satılıb. 2023-cü ilin 11 ayı ərzində isə hərraclarda 2 milyard 539,5 milyon dollarlıq sifariş qeydə alınıb”.
V.Bayramovun sözlərinə görə, aylıq müqayisə göstərir ki, dekabr ayında tələb kəskin artıb:
“Dekabrın ilk 21 günündə noyabr və oktyabr ayları üzrə cəmi məbləğdən daha çox dollar satılıb. Belə ki, son 2 ayda cəmi 437.3 milyon dollar satıldığı halda dekabrın geridə qalan günlərində 446.1 milyon dollar alınıb. Qeyd etdiyimiz kimi, dollara tələbin artması daha çox mövsümi faktorlar ilə bağlıdır. Belə ki, dekabrda həm biznesin, həm də vətəndaşların xarici valyuta tələbi yüksəlir. Belə ki, dövlət və özəl müəssisələrin və eləcə də bankların xarici borc öhdəlikləri üçün cari maliyyə ilində son ayın olması, idxalın artması, bayramlar ilə bağlı olaraq xarici səfərlərin çoxalması dollara tələbi artırır”.
Dollara tələbin artması kontekstində manatın məzənnəsinin necə dəyişməsinə gəldikdə isə deputat bildirib:
“Xüsusilə vurğulamaq lazımdır ki, Azərbaycanda hələ ki, üzən məzənnə rejiminə keçirilməyib. Praktiki olaraq, manatın məzənnəsi birbaşa Azərbaycan Mərkəzi Bankının qərarlarından asılıdır”.
Musavat.com
XƏBƏR LENTİ
24 Noyabr 2024
23 Noyabr 2024
ŞƏRHLƏRŞƏRH YAZ