İnsanlara hürriyət, millətlərə istiqlal!

Madriddə Serbiyanın səfiri İrena Şaratsa hücum olub

İspaniyanın paytaxtında naməlum şəxs küçədə gedən və serb dilində telefonla danışan Serbiya səfirinə hücum edib.

Oxu.Az-ın "N1"ə istinadla məlumatına görə, hadisə diplomatın yaşadığı küçədə baş verib.

Şahidlərin dediyinə görə, kişi serb dilində telefonla danışan Şaratsa yaxınlaşıb və ondan Serbiyadan olub-olmadığını soruşub, daha sonra onu arxadan təpiklə vurub və qaçıb. Kişinin danışığına əsasən, onun alban mənşəli olduğu düşünülür.

Bir neçə şahid hücumçunu tutmağa cəhd edib, lakin uğursuzluğa düçar olublar.

Polis hadisə ilə bağlı araşdırmalara başlayıb.

Serbiyanın Xarici İşlər Naziri Marko Curiç hadisəni pisləyib.

"Madridin mərkəzində səfir Şaratsa qarşı fiziki hücumu qətiyyətlə pisləyirəm. Biz bütün hakimiyyət orqanlarından bu biabırçı hadisənin və ölkəmizin ali diplomatik nümayəndəsinə qarşı zorakılıq aktının tam araşdırılmasını və günahkarın məsuliyyətə cəlb olunmasını tələb edirik", - deyə o bildirib.

Məlumata görə, hücumdan sonra səfirin vəziyyəti yaxşıdır.

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

26.11.2024 53

BƏƏ-də ravvin qətlinə görə üç Özbəkistan vətəndaşı saxlanılıb
26.11.2024 108

Avropa İttifaqı Ukraynaya 2030-u göstərdi: “Yolun yarısındasız...”
26.11.2024 381

Rusiyada işləyən azərbaycanlıların NƏZƏRİNƏ: Məktəb QADAĞASI

XƏBƏR LENTİ

26 Noyabr 2024

BÜTÜN XƏBƏRLƏR