Onlayn ictimai-siyasi qəzet
Luqovoy: "Qiyam zamanı Rusiyadan qaçan məmurları araşdırmaq lazımdır"
Dövlət Dumasının deputatı Andrey Luqovoy regionlarda antiterror əməliyyatı rejimi tətbiq olunan zaman bütün yüksək vəzifəli məmurların ölkədən çıxışına qadağa qoyulmasını təklif edən həmkarı Sultan Həmzəyevi dəstəkləyib.
Musavat.com Rusiya mediasına istinadla xəbər verir ki, o, jurnalistlərə müsahibəsində Yevgeni Priqojin və "Vaqner" muzdlularının qiyam cəhdi ilə bağlı hadisələri şərh edərkən “Vətənimiz təhlükə altında idi” deyib.
Onun sözlərinə görə, əgər əvvəllər bu ifadə tarixi hekayələri təqdim edərək deyilibsə, bu əhvalat gözümüzün qabağında olub.
Eyni zamanda Luqovoy deyib ki, “o anda kimin Rusiya ərazisini tərk etmək qərarına gəldiyini görmək” və belə halların olub-olmadığını öyrənmək lazımdır.
"Mən təklifi tam dəstəkləyirəm", - Luqovoy bildirib.
Deputat qeyd edib ki, o, üsyana cəhd zamanı ölkəni tərk edən məmurların konkret adlarını hələlik bilmir: “Yoxlama tələb olunur”.
Musavat.com
XƏBƏR LENTİ
05 Oktyabr 2024
ŞƏRHLƏRŞƏRH YAZ