Onlayn ictimai-siyasi qəzet
Livan-Suriya sərhədində şiddətli döyüşlər gedir- VİDEO
Bu gün Livan silahlı qüvvələri ilə Suriyanın yeni ordusu arasında sərhəd bölgəsində ağır döyüşlər baş verib.
Musavat.com xəbər verir ki, yerli mənbələrin verdiyi məlumata görə, toqquşmalar əsasən sərhədin strateji əhəmiyyətli keçid məntəqələrində və dağlıq ərazilərdə cəmləşib.
İlk məlumatlara görə, qarşıdurmaların səbəbi sərhəd bölgəsindəki nəzarət problemləri və qaçaqmalçılıq marşrutlarına bağlı gərginliklərdir.
Döyüşlər zamanı ağır silahlardan istifadə edildiyi və hər iki tərəfdən itkilərin olduğu qeyd edilir. Livan hökuməti baş verən hadisə ilə bağlı beynəlxalq ictimaiyyəti məlumatlandırıb və vəziyyətin daha da gərginləşməməsi üçün təcili tədbirlərin görülməsini tələb edib.
Suriyanın yeni ordusuna yaxın mənbələr isə qarşıdurmada ilk atəşi Livan qüvvələrinin açdığını iddia edir. Hadisənin təfərrüatları hələ ki, tam aydın deyil.
Hazırda bölgədə gərginlik yüksək olaraq qalır. Hər iki tərəf sərhəd bölgəsinə əlavə qüvvələr cəlb edib.
Musavat.com
XƏBƏR LENTİ
05 Yanvar 2025
ŞƏRHLƏRŞƏRH YAZ