Onlayn ictimai-siyasi qəzet
Rusiyanın ABŞ-dakı səfiri Anatoli Antonov ABŞ-a xəbərdarlıq edib.
Azpost.info-nun məlumatına görə, səfir Krıma ABŞ silahları ilə zərbə endiriləcəyi təqdirdə cavab veriləcəyini bildirib.
“ABŞ administrasiyasına Krımla bağlı belə qeyri-ciddi mühakimələr, xüsusən Kiyevin yarmadaya hava hucumlarına “xeyir-dua” verməsi ilə bağlı xəbərdarlıq edirəm. Həmin əraziyə zərbə Rusiyanın digər hər hansı subyektlərinin birinə hucum kimi qiymətləndiriləcək. ABŞ Rusiyanın cavab tədbirlərinin necə olacağı ilə bağlı özünə hesabat verməsi vacibdir”-deyə Antonov səfirliyin telegram kanalında yazıb.
Diplomatın sözlərinə görə, Vaşinqton Kiyevə F-16-lar verməklə və Krıma zərbələri dəstəkləməklə yanaşmasını sərt şəkildə kəskinləşdirib. Antonovun sözlərinə görə, bu ABŞ-ın sülhün əldə edilməsində maraqlı olmadığını nümayiş etdirir. “ABŞ “özgə əli” ilə bizə müqavimət göstərir”-yazan səfir bildirib ki, Ukraynanın F-16-ları istismara vermək üçün infrastrukturu yoxdur. “ABŞ qırıcıları NATO hava limanlarından əcnəbi “könüllülərin” idarəsi ilə uçacağı halda nə baş verəcək?”-deyə səfir sual edib.
07 Oktyabr 2024
06 Oktyabr 2024
ŞƏRHLƏRŞƏRH YAZ