Onlayn ictimai-siyasi qəzet
Krım məsələsi - yarımada ətrafında savaş və hüquqi mübahisə davam edir
1954-cü ildə Krımın Ukrayna Sovet Sosialist Respublikasının tərkibinə verilməsi prosesi qanuni olaraq rəsmiləşdirilməmişdi, bu qərarı ləğv etmək çox vaxt aparmazdı.
Musavat.com xəbər verir ki, bu fikri RİA Novosti-yə müsahibəsində Krım parlamentinin rəhbəri Vladimir Konstantinov deyib.
Bundan əvvəl Konstantinov müvafiq fərmanın ləğvi üçün Rusiya Konstitusiya Məhkəməsinə müraciət hazırlamağı tapşırmışdı.
Siyasətçinin fikrincə, məsələni “diqqətlə araşdırdıqda” məlum olur ki, Krım 1954-cü ildə Rusiya Federasiyasının tərkibindən çıxmayıb.
Konstantinov əlavə edib ki, 1954-cü ildə Krımın Ukrayna SSR-ə verilməsi zamanı çoxlu kobud qanun pozuntularına yol verilib. Yarımadanın RSFSR-dən alınıb Ukrayna SSR-ə verilməsi barədə qərar qəbul edənlərin belə səlahiyyətləri olmayıb.
Siyasətçi izah edib ki, bu, təxminən Krım Dövlət Şurasının Texası Meksikaya verməsi kimi bir şey olardı. Üstəlik, o vaxt respublikaların Ali Sovetləri ümumiyyətlə belə qərarlar qəbul etmyib. Bundan əlavə, Krımın Ukraynaya verilməsindən sonra ittifaq respublikalarının sərhədləri müzakirə edilməyib və müəyyən olunmayıb.
Xatırladaq ki, 2014-cü ilin martında Krımda referendum keçirilib, nəticədə yarımada Rusiyanın ərazi hissəsinə, Sevastopol isə federal əhəmiyyətli şəhərə çevrilib.
Musavat.com
XƏBƏR LENTİ
07 Oktyabr 2024
06 Oktyabr 2024
ŞƏRHLƏRŞƏRH YAZ