Onlayn ictimai-siyasi qəzet
Kredit götürmək istəyənlərə ŞAD XƏBƏR – Sadəcə 2 şərt…
Vətəndaşlar kreditlə bağlı banklara müraciət edən zaman, bəzi hallarda mənfi cavab alırlar. Buna səbəb kimi, müraciət edən şəxsin vaxtilə kredit ödənişlərini gecikdirməsi və qarşılıqlı razılaşmalara əməl etməməsi əsas göstərilir. Belə desək, həmin vətəndaşlar “qara siyahı”ya düşmüş hesab olunur.
Bəs kredit borcuna görə bankların "qara siyahısı"ndan necə çıxmaq olar? Bəs bu “gecikmələr” nə vaxtsa sıfırlanırmı?
Mövzu ilə bağlı Yenisabah.az-a danışan hüquqşünas və iqtisadçı-ekspert Əkrəm Həsənov bildirib ki, vətəndaşların kredit tarixçəsi heç vaxt dəyişmir:
“Ümumən kredit məsələlərində “qara siyahı” deyilən bir şey yoxdur, sadəcə kredit tarixçəsi deyilən bir şey var. Bu kredit tarixçəsi isə dəyişmir. Kiminsə nə vaxtsa kredit ödənişi ilə bağlı problemi olubsa, bu sistemdə öz əksini tapır. Ancaq bu o demək deyil ki, heç bir bank həmin şəxsə kredit verə bilməz. Bunu qanun qadağan etmir. Sadəcə bank həmin tarixçəyə baxır və qorxur”.
Ekspertin fikrincə, etibarlı zamin və dəyərli girov olarsa, banklar həmin şəxsə yenidən kredit verə bilər:
“Məsələn, sizdən və ya məndən kimsə gəlib borc istəsə və bilsək ki, bu adamın vaxtilə ödənişlə bağlı problemi olub, sözsüz ki, tərəddüd edərik. Banklar da belədir. Əlbəttə, bu tarixçəni yavaş-yavaş düzəltmək olur. Misal üçün yaxşı zamin və girov varsa, onda ola bilər ki, həmin şəxsə göz yuma bilərlər. Bunun yolu ancaq budur”.
ƏLAQƏLİ XƏBƏRLƏR
XƏBƏR LENTİ
05 Noyabr 2024
ŞƏRHLƏRŞƏRH YAZ