Onlayn ictimai-siyasi qəzet
Kaliforniyada Hollivud ulduzlarının villaları yanıb
Los-Ancelesdə bu gün səhərə qədər 10 min hektardan çox ərazini əhatə edən şiddətli meşə yanğınları davam edir.
Musavat.com xarici mediaya istinadla xəbər verir ki, mindən çox bina dağılıb, beş nəfər həlak olub, bir milyondan çox sakin işıqsız qalıb. Yanğınsöndürənlərin və aviasiyanın fəal səylərinə baxmayaraq, vəziyyət sürətlə pisləşir.
Yanğın Sakit okeanın sahilində yerləşən Malibu massivində daşınmaz əmlakı olan məşhurların evlərini əhatə edib. Qurbanlar arasında Gossip Hollivud “ulduzları” Leyton Mister və onun əri Adam Brodi, həmçinin aktrisa Mendi Mur və aktyor Ben Afflek də var. Paris Hiltonun çimərlik evi yanğın nəticəsində tamamilə yanıb.
Yanğınlar Hollivud bulvarı və Şöhrət xiyabanını da təhdid edir. Ənənəvi olaraq “Oskar” mükafatlandırma mərasiminin keçirildiyi “Dolbi” kinoteatrı təhlükə zonasına düşüb. Bu səbəbdən tədbir bir neçə gün təxirə salınıb.
ABŞ prezidenti Co Bayden təbii fəlakətdən xilasetmə səylərini əlaqələndirmək üçün İtaliyaya səfərini ləğv edib. O, fövqəladə vəziyyət elan edib və zərər çəkmiş ərazilərə yardım üçün vəsait ayrılmasını əmr edib.
Musavat.com
XƏBƏR LENTİ
10 Yanvar 2025
09 Yanvar 2025
ŞƏRHLƏRŞƏRH YAZ