Onlayn ictimai-siyasi qəzet
Jan-Klod Van Damm sülh səfiri olmaq və Rusiyaya səfər etmək istəyir
Azərbaycan vətəndaşlarına, aktyorluğu ilə yanaşı, həm də qohumluğu (oğlunun xanımı soydaşımızdır) ilə tanış olan Jan-Klod Van Damm Vladimir Putinə videomüraciət ünvanlayaraq Rusiyaya gəlmək arzusunu ifadə edib.
Musavat.com ArbatMedia portalına istinadla xəbər verir ki, o, sülh səfiri olmaq və məsələləri siyasətsiz müzakirə etmək istəyir.
Van Damm vurğulayıb ki, onun məqsədi siyasi məsələlərdən qaçaraq idman vasitəsilə sülh və dostluğu təbliğ etməkdir. O qeyd edib ki, belə bir rolu üzərinə götürmək onun üçün şərəf olardı.
“Rusiyaya gəlmək istəyirik. Biz bunu sizin gördüyünüz kimi etməyə, sülh səfiri olmağa çalışacağıq. Belə bir ada sahib olmaq mənim üçün şərəf olardı. Gəlin danışaq. Siyasət yox, sadəcə sülh, idman və xoşbəxtlik!” – Jan-Klod Van Damm deyib.
Aktyor 2010-cu ildə qarışıq döyüş növləri üzrə açıq Avropa çempionatına gəldiyi Soçidə Vladimir Putinlə görüş xatirələrini də bölüşüb. Van Damm gəzinti zamanı təsadüfən öz ayağı ilə prezidentin çəkməsinə toxunduğu gülməli hadisəni danışıb və o, buna bənzər cavab verib. Bir neçə dəfə təkrar etdikdən sonra Putin bunu dayandırıb və izah edib ki, Rusiyada belə bir jest pis əlamət hesab olunur.
Müraciətinin sonunda aktyor Rusiya Federasiyasının Prezidentinə minnətdarlığını bildirib, ailəsinə və ölkəsinə səmimi arzularını çatdırıb.
Musavat.com
XƏBƏR LENTİ
19 Aprel 2025
ŞƏRHLƏRŞƏRH YAZ