Onlayn ictimai-siyasi qəzet
İsrail ordusu Tehran səmasında iki İran F-14 qırıcısını məhv etdi – VİDEO
Musavat.com xəbər verir ki, İsrail Müdafiə Ordusu (TsAXAL) bu gün rəsmi bəyanat yayaraq, İran Hərbi Hava Qüvvələrinə məxsus iki F-14 tipli qırıcı təyyarənin məhv edildiyini açıqlayıb. Bildirilir ki, bu əməliyyat İsrail Hərbi Hava Qüvvələrinin (İHHQ) Tehranın üzərində həyata keçirdiyi hücum zamanı baş verib.
Bəyanatda deyilir:
“Bu gün İsrail Hərbi Hava Qüvvələrinə məxsus təyyarə Tehran üzərində uçuş zamanı İranın paytaxtındakı hava limanında yerləşən iki F-14 qırıcısını vurub. Bu təyyarələr İsrail təyyarələrini ələ keçirmək üçün hazırlanmışdı. Eyni zamanda, İHHQ tərəfindən İsrailə doğru buraxılmağa cəhd edilən bir PUA-nın (pilotsuz uçuş aparatı) qarşısı alınaraq zərbə endirilib.”
İsrail ordusu bu əməliyyatın görüntülərini də yayımlayıb.
Bu, İsrailin son günlərdə İrana qarşı həyata keçirdiyi ən ciddi hava hücumlarından biri hesab olunur. F-14 qırıcıları İran Hərbi Hava Qüvvələrinin ən strateji aviasiya vasitələrindən sayılır.
Hadisə bölgədə gərginliyi bir qədər də artırıb. Tehran hələlik məsələ ilə bağlı rəsmi açıqlama yaymayıb.
Musavat.com
XƏBƏR LENTİ
17 Iyun 2025
16 Iyun 2025
ŞƏRHLƏRŞƏRH YAZ