Onlayn ictimai-siyasi qəzet
İsrail-HƏMAS konflikti dünyanı belə ÇALXALAYIR
Qlobal iqtisadiyyat Yaxın Şərqdə HƏMAS və İsrail arasında münaqişə, eləcə də Rusiya və Ukrayna arasında davam edən savaş səbəbindən böyük qeyri-müəyyənliklə üzləşir. Bu münaqişələr təkcə baş verdikləri regionları təhdid etmir, onlar həmçinin dünyanın ən böyük iqtisadiyyatları arasında qalan köhnəlmiş qarşılıqlı münasibətləri poza bilər.
Musavat.com xəbər verir ki, bu barədə CNN məlumat yayıb.
Ötən əsrdə dünya iqtisadiyyatı daha çox inteqrasiya edib. Beynəlxalq təchizat zəncirləri böyüyüb və texnologiya sahəsi sürətli inkişaf edərək, bütün dünyada sərbəst ticarət, kapital və məlumat axınını asanlaşdırıb.
Bu əlaqə qloballaşma kimi tanınır. Həmin tendensiya 20-ci əsrin ikinci yarısında Almaniyanın II Dünya müharibəsindən sonra yenidən birləşməsindən sonra başlanıb, Çin beynəlxalq ticarətin əsas hissəsinə çevrildikdən sonra isə daha da güclənib. Lakin 2008-ci il qlobal maliyyə böhranından sonra çoxları bu əlaqələrin zəifləməyə başladığını deyir.
“Wells Fargo” bankının ekspertlərinin təhlilinə görə, bir çox ölkələr iqtisadiyyatlarını sabitləşdirmək üçün yerli sənayelərini xarici rəqabətdən qorumağa yönəlmiş proteksionist siyasətlər qəbul ediblər. Bu iqtisadi əlaqələrin kəsilməsi isə deqloballaşma adlanır.
Bəzi iqtisadçılar qloballaşmanın sadəcə olaraq müvəqqəti dalana dirəndiyini, digərləri isə Tramp administrasiyasının Çinlə tarif müharibəsi, COVID-19 pandemiyası və Rusiyanın Ukraynaya müdaxiləsi ilə tamamilə dayandığını iddia edirlər.
“Wells Fargo” iqtisadçıları da sonunculara qatılırlar. Onların fikrincə, qloballaşma dövrü başa çatıb. İqtisadçılar həmçinin bütün dünyada birbaşa xarici investisiya axınının kəskin şəkildə azalmasına işarə edirlər.
Analitiklərə görə, İsrailin HƏMAS-a müharibə elan etməsi deqloballaşmanın daha bir katalizatoru ola bilər. “Wells Fargo” iqtisadçısı Brendan MakKennana görə, istənilən geosiyasi bölünmə ölkələr arasında ticarət əməkdaşlığının azalması və texnologiya mübadiləsi ilə nəticələnir. Bütün bunlar isə qloballaşmanın əsas sütunları sayılır.
“Yaxın Şərqdə vəziyyət gərginləşərsə, bu, çox güman ki, əsas iqtisadi oyunçular arasında daha böyük fikir ayrılıqlarına səbəb olacaq”, - deyə MakKennan bildirib.
Musavat.com
XƏBƏR LENTİ
03 Oktyabr 2024
ŞƏRHLƏRŞƏRH YAZ