Onlayn ictimai-siyasi qəzet
İran PUA-ları Zəngəzur üzərində səmaya qaldırdı, Paşinyan müharibəni SEÇDİ – Fəzail Ağamalı və Razi Nurullayev CANLIda
İranın Azərbaycan və Ermənistan sərhədi olan Zəngəzur üzərində kəşfiyyat PUA-ları qaldırıb. Bu barədə İran İnqilab Keşikçiləri Korpusunun Telegram kanalı məlumat yayıb. Kanal foto paylaşaraq İranın Azərbaycan və Ermənistan sərhədi olan Zəngəzur üzərində kəşfiyyat PUA-larını qaldırdığını bildirib. Paylaşımda “Ən kiçik hərəkət gözümüzdən qaçmayacaq” şərhi qeyd olunub.
Paşinyan məqsədlərinə nail olmaq üçün müharibə törədir. 2020-ci ildə onun yaratdığı müharibənin məqsədi Qarabağdan xilas olmaq idisə, indi törədəcəyi müharibənin məqsədi KTMT-dən çıxmağa hesablanıb.
Bu barədə erməni ekspert Avetik İşxanyan sərhəddə baş verən gərginlik və ABŞ-Ermənistan hərbi təlimləri haqqında danışarkən deyib.
Onun sözlərinə görə, 2022-ci ilin sentyabrında ikigünlük (13-14 sentyabr) müharibə anti-Rusiya mövqeyini gücləndirmək və KTMT-dən çıxmağa hesablanmışdı: “Paşinyan öz məqsədinə nail olmaq üçün insan həyatını qurban verir, 2020-ci ildə də bunu etdi, 2022-ci ildə də. İndi də eyni şeylər təkrarlanır. ABŞ-Ermənistan təlimləri də məhz anti-Rusiya prosesinin tərkib hissəsidir”.
Erməni ekspert son günlər İrəvan-Moskva xəttində baş verən gərginliyə diqqət çəkib. Qeyd edib ki, hər şey hazır ssenari üzrə davam edir.
Bu və gündəmdəki digər xəbərləri bu gün saat 11.30-da aparıcı Sevinc Telmanqızının təqdimatındakı Ana Vətən Partiyasının sədri Fəzail Ağamalı ilə Milli Cəbhə Partiyasının sədri Razi Nurullayevlə müzakirə edəcəyik. Müzakirədə tamaşaçılarımız da iştirak edə bilər.
Facebook səhifəsinin ünvanı:
https://www.facebook.com/NewMusavat
Youtube səhifəsinin ünvanı:
XƏBƏR LENTİ
03 Oktyabr 2024
ŞƏRHLƏRŞƏRH YAZ