Onlayn ictimai-siyasi qəzet
İlon Musk narkotik testinin nəticələrini dərc edib
SpaceX-in sahibi İlon Mask iyunun 11-də öz narkotik testinin nəticələrini X sosial şəbəkəsində yerləşdirib və bu onun orqanizmində qadağan olunmuş maddələrin olmadığını göstərib.
Musavat.com xarici mediaya istinadla xəbər verir ki, milyarder sənədin fotosuna “Lol” şərhini əlavə edib.
Təqdim olunan sənədə əsasən, təhlil 11 iyun 2025-ci ildə aparılıb.
“New York Times” daha əvvəl yazmışdı ki, Mask Donald Trampın seçki kampaniyası zamanı narkotiklərdən “ictimaiyyətə məlum olduğundan daha tez-tez” istifadə edib. Məqalədə iş adamının ketamindən sui-istifadə etdiyi, həmçinin ekstazi və halüsinogen göbələklər qəbul etdiyi iddia edilirdi.
Nəşr qeyd edib ki, Maskın Tramp administrasiyasına qatıldıqdan sonra belə maddələrdən istifadə etməyə davam edib-etmədiyi aydın deyil.
Hökumət podratçısı olan SpaceX işçilərində preparat testləri keçirməlidir. NYT-nin mənbələrinə görə, Mask planlaşdırılan sınaqlar barədə əvvəlcədən xəbərdarlıq alıb.
Bu formada sınaqlar SpaceX-in istehsal müəssisələrindən birinin yerləşdiyi Texas ştatının Ostin şəhərindəki laboratoriya tərəfindən aparılıb.
Musavat.com
XƏBƏR LENTİ
17 Iyun 2025
ŞƏRHLƏRŞƏRH YAZ