Onlayn ictimai-siyasi qəzet
HƏMAS sağ qalan israilli girovların siyahısını hələ də təqdim etməyib
İsrail rəsmiləri hesab edir ki, Fələstin qrupu sağ qalanların siyahısını təqdim etməyənə qədər HƏMAS-la Qəzza zolağında atəşkəs və girovların azad edilməsinə dair razılaşmaya nail olmaq mümkün deyil.
"Report"un məlumatına görə, bu barədə "The Jerusalem Post" qəzeti yazıb.
“HƏMAS hələ də sağ olan girovların siyahısını təqdim etməyib. Bunsuz razılaşmaya nail olmaq mümkün deyil”, - İsrailin adını çəkilməyən məmuru bildirib.
O əlavə edib ki, vasitəçilər HƏMAS-a siyahını tələb etmək üçün təzyiq göstərirlər, lakin çox güman ki, HƏMAS lideri Yəhya Sinvarın oktyabrda öldürülən kiçik qardaşı Məhəmməd Sinvar bundan imtina edir.
İsrail rəsmisinin sözlərinə görə, danışıqlar siyahı olmadan da davam edə bilər, lakin bunsuz sıçrayış əldə etmək mümkün deyil.
Qəzza zolağında atəşkəs və HƏMAS-ın əsir götürdüyü israilli girovların azad edilməsinə dair sazişin bağlanması üçün vasitəçilərin iştirakı ilə aparılan danışıqlar neçə aydır dayanmır. “The Jerusalem Post”un məlumatına görə, şənbə günü danışıqların iştirakçısı olan Fələstin rəsmisi jurnalistlərə bildirib ki, girov razılaşması və atəşkəs danışıqları “90 % tamamlanıb”.
Ötən həftə Livanın “Əl-Mayadeen” telekanalı bildirib ki, HƏMAS razılaşmanın ilk mərhələsində 34 girovu azad edə bilər.
İsrail ilk növbədə qadın və uşaqların, o cümlədən özünün Müdafiə Ordusunun qadın hərbi qulluqçularının azad olunmasını tələb edir.
Bunun müqabilində İsrail ömürlük həbs cəzası almış bir neçə şəxs də daxil olmaqla qeyri-müəyyən sayda fələstinli məhbusu azad edəcək.
XƏBƏR LENTİ
25 Dekabr 2024
ŞƏRHLƏRŞƏRH YAZ