Onlayn ictimai-siyasi qəzet
Həbsdə olan ərinin bibilərini bıçaqladı - Məleykə həbs edildi
Bakıda 33 yaşlı qadın ərinin iki bibisini bıçaqlayıb. Buna səbəb qadının başqa bir şəxslə münasibət qurmaq istəməsi olub.
Musavat.com xəbər verir ki, Məleykə Bakırova həbsdə olan ərinin bibiləri Xalidə və Dürdanəyə bıçaq xəsarətləri yetirib.
Buna səbəb Məleykənin başqa bir şəxslə münasibət qurmaq istəməsi olub. Bundan xəbər tutan Xalidə və Dürdanə Məleykənin evinə gəlib. Onlar Məleykənin bu hərəkətinin həbsdə olan ərinə xəyanət olduğunu deyiblər. Məleykə isə bundan qayınatasının xəbərinin olduğunu deyib.
Xalidə və Dürdanə əvvəlcə Məleykəni döyüblər, saçından tutaraq evdə sürüyüblər. Məleykə də özünü qorumaq üçün bıçaqla hər iki şəxsə xəsarət yetirib.
Məhkəmədə Xalidə və Dürdanə zərərçəkmiş kimi dindirilən zaman Məleykəni bağışladıqlarını deyiblər.
Məleykə bu hadisəni özünü müdafiə etmək məqsədi ilə törətdiyini deyib və əməlindən peşman olduğunu söyləyib. Bildirib ki, himayəsində bir azyaşlı övladı var.
Qəsdən sağlamlığa ağır zərər vurmaqda təqsirləndirilən Məleykə 3 il 6 ay müddətinə azadlıqdan məhrum edilib.
İ.Muradov,
Musavat.com
XƏBƏR LENTİ
22 Aprel 2025
ŞƏRHLƏRŞƏRH YAZ