Onlayn ictimai-siyasi qəzet
Hava limanında taksi üsyanı: Uber və Lyft sürücüləri buna görə etiraza qalxıb - VİDEO
Musavat.com xəbər verir ki, Kanadanın Toronto Pearson hava limanında Uber və Lyft sürücüləri azaldılmış ödəniş sisteminə qarşı etiraz aksiyası təşkil ediblər.
Etirazların səbəbi Uber-in yeni ödəniş modeli olub. Sürücülərin sözlərinə görə, yeni sistem onların gəlirlərini əhəmiyyətli dərəcədə azaldıb.
Ontario əyalətində tətbiq edilən yeni ödəniş modeli sürücülərə marşrut və gəliri sifarişi qəbul etmədən əvvəl göstərir. Uber Kanada-nın sözçüsü Keerthana Rang bu modelin vaxt, məsafə, bazar şərtləri və tələbat kimi amilləri nəzərə aldığını bildirib. Buna baxmayaraq, sürücülər gəlirlərin azaldığını və bu sistemin onları iqtisadi cəhətdən çətin vəziyyətə saldığını iddia edirlər.
Etiraz aksiyasını təşkil edənlərdən biri, aktivist Erla Filips, “X” platformasında paylaşım edərək sürücülərin narazılıqlarını ifadə edib və əlavə aksiyaların təşkil olunacağını qeyd edib. Sürücülər bu yeni sistemin onların gəlirlərinə mənfi təsir etdiyini və ədalətli ödəniş sisteminə qayıdılmasını tələb edirlər.
Musavat.com bildirir ki, Toronto şəhərinə köçən azərbaycanlılar arasında da çoxsaylı Uber sürücüləri vardır.
Həmin aksiyadan videonu təqdim edirik.
Musavat.com
XƏBƏR LENTİ
02 Yanvar 2025
ŞƏRHLƏRŞƏRH YAZ