Onlayn ictimai-siyasi qəzet
Gənclər təşvişdə – süni intellekt onların çörəyinə bais olur
“Deutsche Bank”ın son araşdırması süni intellektin (İİ) əmək bazarına təsiri ilə bağlı narahatlıqların nəsillər üzrə ciddi fərqləndiyini ortaya qoyub.
Musavat.com-un xəbərinə görə, hesabatda qeyd edilir ki, karyerasının başlanğıc mərhələsində olan işçilərin təxminən dörddə biri yaxın iki il ərzində süni intellekt tərəfindən əvəz olunmaqdan “çox narahatdır”.
Yeni başlayan və ya orta pillədə çalışan mütəxəssislər süni intellektin sürətli inkişafını birbaşa təhlükə kimi qiymətləndirirlər. Onların böyük hissəsi hesab edir ki, gündəlik gördükləri işlərin əhəmiyyətli hissəsi avtomatlaşdırıla və ya alqoritmlər vasitəsilə əvəz oluna bilər. Bu isə onların iş yerlərini itirmə riskini artırır.
Əksinə, uzun illər əmək bazarında mövqeyini qorumuş işçilər texnologiyanın təhdidindən daha az narahatdırlar. Onlar hesab edirlər ki, süni intellekt əsasən dəstəkçi alət kimi çıxış edir və tam əvəzlənməyə gətirib çıxarmayacaq.
Mütəxəssislərin fikrincə, bu fərqin səbəblərindən biri də psixoloji amillərlə bağlıdır. Belə ki, gənclər karyeralarının başlanğıcında daha həssas və risklərə qarşı daha açıq olurlar, təcrübəli nəsil isə artıq mövqelərini möhkəmləndirdiklərinə görə texnoloji dəyişiklikləri daha rahat qarşılayır.
Musavat.com
XƏBƏR LENTİ
29 Sentyabr 2025
ŞƏRHLƏRŞƏRH YAZ