Onlayn ictimai-siyasi qəzet
“Fitch” neftə tələbatın azalacağını gözləyir
“Fitch Ratings” beynəlxalq reytinq agentliyi baza ssenarisi çərçivəsində 2024-2027-ci illər və ortamüddətli dövr üçün neft və təbii qazın qiymətləri ilə bağlı proqnozunu açıqlayıb.
Musavat.com agentliyin hesabatına istinadən xəbər verir ki, proqnozun əvvəlkindən bir fərqi “American Henry Hub”da təbii qaz qiymətlərinin aşağıya doğru yenidən nəzərdən keçirilməsidir.
Bundan əlavə, cari il üçün neft qiymətləri ilə bağlı gözləntilər “Brent” və WTI-nin cari qiymətləri əsasında stress ssenarisi altında dəyişdirilib:
““OPEC+”un əhəmiyyətli ehtiyat gücü, artan tədarük və mülayim tələb artımı, geosiyasi riskin artmasına baxmayaraq, “Brent” qiymətlərini 2024-cü ildə 80 dollar/barel səviyyəsində saxlayacaq”.
Agentliyə görə, 2025-ci ildə Brentin orta qiyməti 70, 2026-2027-ci illərdə 65, ortamüddətli dövrdə isə 60 dollar təşkil edəcək.
“Fitch” analitikləri Çində istehlakın zəifləməsi və qlobal iqtisadi artımla bağlı narahatlıqlar səbəbindən qlobal neft tələbi artımının 2024 və 2025-ci illərdə 1 milyon bareldən aşağı düşəcəyini gözləyirlər.
Musavat.com
XƏBƏR LENTİ
22 Noyabr 2024
21 Noyabr 2024
ŞƏRHLƏRŞƏRH YAZ