Onlayn ictimai-siyasi qəzet
Finlandiya NATO-nun nüvə planlaşdırılması və dəstək əməliyyatlarında iştirak edəcək
NATO-ya yeni qoşulan Finlandiyanın Müdafiə Nazirliyi ölkənin alyansın nüvə planlaşdırılması və dəstək əməliyyatlarında iştirakını elan edib.
AZƏRTAC xəbər verir ki, bu qərar respublikanın öz ərazisində nüvə silahının yerləşdirilməsinə icazə verməyəcəyinə dair əvvəlki rəsmi zəmanətlərinə baxmayaraq qəbul olunub.
Beləliklə, Finlandiya alyans üçün ümumi nüvə siyasətinin qurulması istiqamətində fəaliyyət göstərən NATO-nun nüvə planlaşdırma qrupunun işində iştirak edəcək. Bu iş alyansın üzvü olan iki nüvə dövlətinin - ABŞ və Böyük Britaniyanın rəhbərliyi altında həyata keçirilir. NATO üzvləri arasında yalnız Fransa nüvə planlaşdırma qrupunda iştirakdan imtina edib.
Xatırladaq ki, Finlandiya hökuməti NATO-ya daxil olarkən öz ərazisində nüvə silahının yerləşdirilməsinin qarşısının alınması siyasətini elan etsə də, ölkənin Şimali Atlantika Alyansına üzvlüyü üçün başqa heç bir məhdudiyyət qoyulmayıb.
XƏBƏR LENTİ
29 Sentyabr 2024
28 Sentyabr 2024
ŞƏRHLƏRŞƏRH YAZ