Onlayn ictimai-siyasi qəzet
Evlər işıqsız qaldı, yüzlərlə aviareys təxirə salındı, ölənlərin sayı artır
Qış fəslinin təsirli olduğu ABŞ-da 6 gündə 40 nəfər ölüb.
Musavat.com "Haberler.com"a istinadən xəbər verir ki, əlverişsiz hava şəraiti səbəbiylə ölkədə bu gün 1090 aviareys ləğv edilib, 4 min 221 reys gecikib, 3 ştatda 95 minə yaxın insan isə işıqsız qalıb.
Belə ki, ölkə mətbuatının təqdim etdiyi görüntülər kino səhnələrini xatırladır.
Məlumata görə, yanvarın 12-dən bəri davamlı qar yağması və soyuq hava Tennessi, Nyu-York, Arkanzas, Kanzas, Oreqon və Missisipi ştatlarında ölümlərə səbəb olub.
Səhiyyə İdarəsi tərəfindən Tennessi ştatında cəmi 7 nəfərin öldüyü bildirilərkən, digər 5 ştatda isə 14 nəfərin öldüyü açıqlanıb.
Meteoroloji xidmətlər Kanada sərhədindəki Nyu-Yorkun Buffalo şəhəri ətrafına 75 santimetrdən çox qar yağdığını, nəqliyyat vasitələri ilə gediş-gəlişi demək olar ki, qeyri-mümkün olduğunu və küləyin sürətinin bəzi yerlərdə saatda 65 kilometrə çatacağını bildirib.
ABŞ-da elektrik kəsilməsi statistikasını özündə əks etdirən “Poweroutages” saytında bu gün ölkənin üç ştatında 95 minə yaxın insanın işıqsız qaldığı qeyd edilib.
Musavat.com
XƏBƏR LENTİ
30 Sentyabr 2024
ŞƏRHLƏRŞƏRH YAZ