Onlayn ictimai-siyasi qəzet
Əsəd rejiminin devrilməsindən sonra "Əməvi Camisi"ndə ilk Cümə namazı - VİDEO
Suriyanın paytaxtı Dəməşqdə yerləşən tarixi "Əməvi Camisi", uzun illərdən sonra böyük izdihama şahidlik etdi.
Musavat.com Türkiyə mediasına istinadla xəbər verir ki, Bəşər Əsəd rejiminin devrilməsindən sonra Dəməşqdə ilk dəfə təşkil edilən Cümə namazına minlərlə insan qatıldı. Bu tarixi hadisə, Dəməşqdə sabitliyin və azadlığın bərpa olunmasının rəmzi kimi qiymətləndirilir.
Onu da qeyd edək ki, ötən günü Türkiyənin Milli Kəşfiyyat Təşkilatının (MİT) rəhbəri İbrahim Kalın məsciddə namaz qalıb. O, məsciddən çıxan zaman böyük izdihamla qarşılanıb.
"Əməvi Camisi" haqqında qısa məlumat
"Əməvi Camisi" (Məscidi), İslam tarixinin ən qədim və mühüm dini abidələrindən biridir. "Əməvi Camisi", 8-ci əsrdə Əməvi xəlifəsi I Vəlid tərəfindən inşa edilmişdir. Məscid əvvəllər Roma dövründə “Yupiter Məbədi” və xristian dövründə “Vəftizçi Yəhya Kilsəsi” kimi fəaliyyət göstərmiş bir məkanın üzərində tikilib.
Məscidin memarı xüsusiyyətləri:
Məscid İslam memarlığının şah əsərlərindən biri hesab olunur. Onun üç minarəsi, geniş həyəti və zəngin mozaikaları bu məbədi unikal edir.
Dini əhəmiyyəti:
"Əməvi Camisi", İslam dünyasının dörd müqəddəs məscidindən biri hesab olunur. Məsciddə Vəftizçi Yəhyanın (İslamda Hz. Yəhya) məzarı yerləşir.
Hadisənin önəmi
Bu gün "Əməvi Camisi" təkcə dini bir məkan deyil, həm də Suriyanın simvolu olaraq qəbul edilir. Əsəd rejiminin devrilməsindən sonra burada ilk Cümə namazının keçirilməsi, xalqın azadlıq və birlik duyğularını əks etdirən mühüm hadisə kimi qeyd olunur.
Türkiyə televiziyaları, o cümlədən “Haber Global”, "Əməvi Camisi"ndən canlı yayımlar edərək, bu tarixi anı bütün dünyaya çatdırıb. Görüntülərdə minlərlə insanın məscid həyətinə axışdığı və azadlığın sevincini yaşadığı müşahidə edilir.
Bu hadisə həm dini, həm də siyasi baxımdan Dəməşqin yeni dövrə qədəm qoyduğunun göstəricisi kimi qiymətləndirilir.
"Əməvi Camisi" bu dəyişikliklərin mərkəzində dayanaraq, həm tarixi əzəmətini, həm də dini əhəmiyyətini bir daha sübut edir.
Musavat.com "Haber Global"ın canlı yayımından kiçik bir parçanı oxucularına təqdim edir.
Musavat.com
XƏBƏR LENTİ
16 Aprel 2025
ŞƏRHLƏRŞƏRH YAZ