Ermənistan: ölən əsgərlərin anaları aksiya keçirir

Onlayn ictimai-siyasi qəzet

İnsanlara hürriyət, millətlərə istiqlal!

Ermənistan: ölən əsgərlərin anaları aksiya keçirir

Ermənistanın baş naziri Nikol Paşinyanın oğlunu qaçırmaqda ittiham olunan ölən əsgər Jora Martirosyanın anası Qayane Akopyanın (Martirosyan) azad edilməsi tələbi ilə aksiyanı keçirilir.
AzVision.az xəbər verir ki, bu barədə "Sputnik Armeniya" məlumat yayıb. Bildirilib ki, ölən əsgərlərin valideynləri və onların tərəfdarları Akopyana dəstək məqsədilə İrəvanda hökümət binasının qarşısında qeyri-müəyyən oturaq aksiya elan edib və onun azadlığa buraxılmasını tələb edirlər.

Ölən Jora Saakyanın atası Vahid Saakyan jurnalistlərə bildirib ki, gecələr soyuq olsa da, onlara çadır və hər hansı sığınacaq qurmağa icazə verilməsə də, aksiyanı dayandırmaq niyyətində deyillər. Onun sözlərinə görə, indiyədək nəinki hakim partiyanın nümayəndələri, heç Ombudsman aparatının əməkdaşları da onlara müraciət etməyiblər.

Saakyanın sözlərinə görə, həlak olan əsgərlərin valideynləri və yaxınları Akopyan (Martirosyan) azad olunana qədər Yerablur hərbi panteonunda oğullarının məzarlarını ziyarət etməyəcəklərinə and içiblər. Hərbçinin anası ona baş çəkə bilmədiyi üçün bunu həmrəylik əlaməti kimi edirlər.

Xatırladaq ki, mayın 17-də Aşot Paşinyanın ifadəsi əsasında “adam oğurluğu” maddəsi ilə cinayət işi başlanıb. Bildirilib ki, “Oğulların çağırışı” təşkilatının üzvləri, xüsusən də Qayan Akopyan (Martirosyan) kiçik Paşinyanı öz avtomobilinə minməyə məcbur ediblər. Lakin o son anda maşından tullansa da yoldan keçən avtomobil Paşinyanı vurub. “Oğulların çağırışı” təşkilatı adam oğurluğu ittihamını rədd edərək qeyd edib ki, kiçik Paşinyan könüllü olaraq Qayane Akopyanın maşınına minib və onunla İrəvandakı Yerablur hərbi qəbiristanlığına getməyə razılaşıb, sonra “naməlum səbəbdən maşından düşüb”.