Onlayn ictimai-siyasi qəzet
Paşinyan iqtidarı illərində indiki hökumət yalnız iki sahədə - narkotik və qumarda artım sürətini təmin edə bildi.
Musavat.com Ermənistan mediasına istinadən xəbər verir ki, bu sözlər yerli strateq Karen Köçəryan tərəfindən dilə gətirilib.
Erməni ekspert Ermənistana 3 ton kokain gətirmək cəhdi ilə bağlı yaranan qalmaqala münasibət bildirib.
“Aydındır ki, bu yük Ermənistanda tamamilə satış üçün nəzərdə tutulmayıb. Üstəlik, bu narkotiklərin tranziti ilə bağlı nə birinci, nə də sonuncu hal olacaq. Ölkə narkotik ticarəti zonasına çevrilib. Bundan yerli narkobaronlar da istifadə edirlər. Ümumilikdə, indiki hakim elitanın 5 illik hakimiyyəti yalnız iki sahədə - narkotik ticarəti və qumarda kəskin artıma səbəb olub”,-deyə o, yerli Beşinci telekanalın efirində danışarkən deyib.
Musavat.com
07 Oktyabr 2024
06 Oktyabr 2024
ŞƏRHLƏRŞƏRH YAZ