Onlayn ictimai-siyasi qəzet
Ərdoğan İsrail əleyhinə çıxışı edir, ən öndə o yəhudi oturub
İsraillə münasibətlərin kəskin pisləşdiyi bir vaxtda yəhudi icmasının ən nüfuzlu nümayəndələrindən birinin AKP-nin toplantısında iştirakı, sonra prezidentlə ayrıca görüş geniş müzakirələrə səbəb olub
İyunun 18-də prezident Rəcəb Tayyib Ərdoğanın sədrliyi ilə keçirilən Ədalət və İnkişaf Partiyasının (AKP) parlament fraksiyasının toplantısında İsrailin İrana raket zərbələrini sərt dildə qınayıb.
Musavat.com haqqın.az-a istinadən xəbər verir ki, Ərdoğanın çıxışında gözlənilməz heç nə olmasa da, Türkiyə mediasının diqqətini ən öndə oturmuş yəhudi əsilli tanınmış iş qadını Leyla Alatonun iştirakı çıkib. Bu, Türkiyənin siyasi və işgüzar dairələrində geniş rezonans doğurub.
Bildirilir ki, Leyla Alaton bütün dünyada təkcə Türkiyə və İsraildə mühüm uğurlar qazanmış uğurlu iş qadını kimi deyil, həm də yəhudi icmasının görkəmli nümayəndələrindən biri kimi tanınır.
Onun atası İsxaq Alaton da görkəmli iş adamı idi və ölkənin siyasi həyatı ilə fəal maraqlanırdı. Mustafa Kamal Atatürk dövründə o, fəaliyyətini Cümhuriyyət Xalq Partiyasında davam etdirib. Bəzi məlumatlara görə, İsmət İnönü hakimiyyətə gəldikdən sonra İsxaq Alatonun siyasi karyerası yarımçıq qalıb.
Leyla Alaton isə 1961-ci ildə İstanbulda anadan olub. O, ABŞ-da biznesin idarə edilməsi üzrə təhsil alıb, sonra Nyu York Universitetində sosial elmlər üzrə magistr dərəcəsini tamamlayıb. O, Megatrend Public Relations konsaltinq şirkətinin təsisçisidir və Alarko Holding A.Ş.-nin direktorlar şurasındadır.
Türkiyə ilə İsrail arasında münasibətlərin kəskin pisləşdiyi bir vaxtda yəhudi icmasının ən nüfuzlu nümayəndələrindən birinin hakim partiyanın toplantısında iştirakı, eləcə də tədbirdən sonra prezident Ərdoğanla təxminən otuz dəqiqəlik görüş keçirməsi geniş müzakirə və çoxsaylı şərhlərə səbəb olub.
Səslənən versiyalar arasında yəhudi icmasının İsrail-İran münaqişəsində mümkün vasitəçilik rolu ilə bağlı fərziyyələr, həmçinin Leyla Alatonun Ədalət və İnkişaf Partiyasına üzv ola biləcəyi ilə bağlı şayiələr də var. Bəzi analitiklər də bu görüşü Türkiyə hökuməti ilə işgüzar dairələr arasında mümkün yaxınlaşma siqnalı kimi qiymətləndiriblər.
Leyla Alaton AKP-nin parlamentdəki fraksiyasının toplantısına hakim partiyadan millət vəkili, qadın hüquqları müdafiəçisi Özlem Zenginin şəxsi dəvəti ilə qatıldığını açıqlayıb. Alatonun qonaq və tamaşaçı zonasında deyil, ön sırada, millət vəkili professor Saadəddin Hülagünün yanında olması xüsusi diqqət çəkib.
Leyla Alaton Ərdoğanı otuz ildir şəxsən tanıdığını da bildirib. Onun sözlərinə görə, onların təkbətək görüşündə yalnız işgüzar məsələlər müzakirə olunub. “Mən kənd təsərrüfatına nə qədər sərmayə qoyduğumuzu, geotermal enerjidən istifadə etməklə Türkiyədə ən böyük qapalı istixanaları tikdiyimizi söylədim. Biz siyasət və ya İsrail və İran arasındakı müharibəni prezident Ərdoğanla müzakirə etməmişik"deyə, Leyla Alaton jurnalistlərə bildirib.
Buna baxmayaraq, İsrailin iqtisadi və siyasi dairələrində ciddi təsirə malik olan Alaton ailəsi yenidən diqqət mərkəzinə düşüb. Bir sıra ekspertlərin fikrincə, Leyla Alatonun prezident Ərdoğanla görüşü həm Türkiyənin beynəlxalq vəziyyətin, o cümlədən İsrail və İran arasındakı münaqişənin inkişafında potensial vasitəçilik rolu, həm də hökumətin yeni iqtisadi təşəbbüsləri ilə bağlı ola bilərdi.
Ankaradakı bəzi siyasi müşahidəçilər isə Rəcəb Tayyib Ərdoğanın Leyla Alatonla söhbətini nüfuzlu yəhudi ailəsinin hakim Ədalət və İnkişaf Partiyası ilə yaxınlaşmasının mümkün siqnalı kimi qiymətləndiriblər.
Musavat.com
XƏBƏR LENTİ
22 Iyun 2025
ŞƏRHLƏRŞƏRH YAZ