Onlayn ictimai-siyasi qəzet
Elektrotəyyarə bazarı 15 ildən sonra 1,5 trilyon dollara çatacaq - Morgan Stanley
Şaquli qalxan (eVTOL) elektrik təyyarələrinin qlobal bazarı 2040-cı ildə 1,5 trilyon dollara çatacaq.
Musavat.com xəbər verir ki, bu barədə Financial Times Morgan Stanley analitiklərinin proqnozlarına istinadən məlumat yayıb.
Bu təyyarələrin potensial istifadəçiləri arasında logistika, kənd təsərrüfatı və hava yolları, fövqəladə hallar və təhlükəsizlik xidmətləri, həmçinin turizm sənayesinin nümayəndələri var.
Əksər eVTOL-lar hələ də sınaq mərhələsindədir, sürət və hündürlük, eləcə də daşıya biləcəkləri yük baxımından çox dəyişir. Morgan Stanley analitikləri deyirlər ki, bu təyyarələrin operatorları üçün əsas problem xüsusilə şəhər ərazilərində və ətraflarında yüksək nəzarət edilən hava məkanı məhdudiyyətlərini idarə etməkdir.
Şanxayda yerləşən “AutoFlight” şirkəti martın sonunda özünün “CarryAll” pilotsuz təyyarəsi üçün Çin Mülki Aviasiya Administrasiyasından (CAAC) uçuşa yararlılıq sertifikatı alıb. Bu, tənzimləyici təsdiqindən keçən dünyada çəkisi 1 tondan çox olan ilk eVTOL-dur.
Şirkət bildirib ki, Çinin aşağı hündürlük aviasiyası daha yumşaq tənzimləyicilər, texnoloji irəliləyişlər və ölkənin logistika sektorundakı şiddətli rəqabət sayəsində Qərb rəqiblərini qabaqlayır.
AutoFlight-ın vitse-prezidenti Kellen Xie qeyd edib ki, şirkət Avropada oxşar təsdiqlər axtarsa da, CAAC yeni sənayeni dəstəkləməkdə kifayət qədər fəaldır. “Onlar bu yeni texnologiyanın reallığa çevrilməsi prosesini sürətləndirmək əzmindədirlər”.
Alman texnoloji investoru Team Global və ABŞ fondu TDK, eləcə də Çin şirkətləri tərəfindən dəstəklənən AutoFlight-ın baş ofisi və fabriki Kunshanda (Şanxayın qərb kənarında) yerləşir, ölkənin şimalında Şandunqda istehsal və sınaq mərkəzi var.
Fevral ayında şirkət bildirmişdi ki, özünün beş yerlik Prosperity təyyarəsi - CarryAll-un sərnişin versiyasının 250 km məsafədə bir şarjla öz tipli təyyarələr üçün ən uzun uçuşu qeydə alıb. Daha sonra təyyarə Shenzhen və Çjuhay şəhərləri arasında ekipajsız 50 km uçub. Kellen Xienin sözlərinə görə, bu uçuşlar təyyarənin istehsal qabiliyyətini və kommersiya məqsədəuyğunluğunu sübut etmək üçün mühüm addım olub.
Musavat.com
XƏBƏR LENTİ
25 Dekabr 2024
ŞƏRHLƏRŞƏRH YAZ