Onlayn ictimai-siyasi qəzet
Elektron Təhlükəsizlik Xidməti vətəndaşları maksimum diqqətli olmağa çağırır
Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidməti bildirir ki, son zamanlar kiberdələduzlar tərəfindən vətəndaşlara “SOCAR” və “AzerGold” adından investisiya layihəsinin həyata keçirilməsi barədə mesajlar göndərilir. Onlardan layihədə iştirak etmək üçün ad, soyad, e-poçt, mobil nömrə kimi fərdi məlumatlar istənilir. Nəticədə həmin məlumatları təqdim edən vətəndaş kiberdələduzların qurbanına çevrilir.
Musavat.com-un xəbərinə görə, bununla əlaqədar Elektron Təhlükəsizlik Xidməti vətəndaşları maksimum diqqətli olmağa çağırır.
Belə ki, hər hansı qurum adından bu kimi investisiya layihələri və ya cəlbedici kampaniyalar barədə məlumat aldıqda, fərdi məlumatlarını təqdim etmədən və qeyd olunan keçidə daxil olmadan öncə həmin müəssisə ilə əlaqə saxlayaraq və ya rəsmi internet informasiya ehtiyatına daxil olaraq məlumatın düzgünlüyünü yoxlamaq tövsiyə edilir.
Həmçinin vətəndaşlardan xahiş olunur ki, bu kimi hallarla üzləşdikdə “1654” qaynar xətti, yaxud www.cert.az internet informasiya ehtiyatı vasitəsilə Elektron Təhlükəsizlik Xidmətinə məlumat versinlər.
XƏBƏR LENTİ
14 Noyabr 2024
ŞƏRHLƏRŞƏRH YAZ