Onlayn ictimai-siyasi qəzet
Dünyanın ən BAHALI idman klubları - SİYAHI
Milli Futbol Liqasının (NFL) təmsilçisi “Dallas Kovboys” 9 milyard dollarla dünyanın ən bahalı idman klubu seçilib.
Musavat.com xəbər verir ki, bu barədə “Forbes” jurnalının tərtib etdiyi ən bahalı klubların illik siyahısında bildirilir.
Qeyd edək ki, siyahının lideri 2016-cı ildən bəri birinci yeri tutur.
İkinci yeri Beysbol Liqasında oynayan “Nyu-York Yankis” klubu (7,1 milyard dollar) tutub.
Üçüncü yerdə Milli Basketbol Assosiasiyasının (NBA) klubu “Qolden Steyt” və NFL klubu “Nyu-İnqlend Petriots” (hər biri 7 milyard dollar) qərarlaşıb.
“Los-Anceles Rems” (6,9 milyard dollar), “Nyu-York Cayents” (6,8 milyard dollar), “Çikaqo Bearz” (6,3 milyard dollar) və “Las-Veqas Reyders” (6,2 milyard dollar) beşinci və səkkizinci yerləri tutublar.
“Nyu-York Niks” (NBA) və “Nyu-York Cets” (NFL) hər biri 6,1 milyard dollarla 9-cu yeri bölüşüblər.
İlk dəfə Avropadan siyahıda İspaniyanın “Real Madrid” (6,2 milyard dollar) klubu yer alıb. Ən bahalı futbol klublarının ilk üçlüyünə “Mançester Yunayted” (13-cü yer; 6 milyard dollar) və “Barselona” (18-ci yer; 5,508 milyard dollar) daxil olub. “Formula 1” komandaları “Ferrari” (3,9 milyard dollar) və “Mercedes” (3,8 milyard dollar) müvafiq olaraq 45 və 47-ci yerlərdə qərarlaşıb. Siyahıya 31 NFL komandası daxil edilib. Milli Xokkey Liqasından isə heç bir komanda siyahıda yer almayıb.
Musavat.com
XƏBƏR LENTİ
22 Sentyabr 2024
21 Sentyabr 2024
ŞƏRHLƏRŞƏRH YAZ