Onlayn ictimai-siyasi qəzet
Dunia Miyatoviç “Məhkəmə-Tibbi Ekspertiza və Patoloji Anatomiya Birliyi”ndə olub
Azərbaycan Respublikası “Əsir və itkin düşmüş, girov götürülmüş vətəndaşlarla əlaqədar Dövlət Komissiyası” əməkdaşlarının müşayəti ilə Avropa İttifaqının insan hüquqları üzrə müvəkkili Dunia Miyatoviçin başçılıq etdiyi nümayəndə heyətinin Səhiyyə Nazirliyi “Məhkəmə-Tibbi Ekspertiza və Patoloji Anatomiya Birliyi”ndə olub.
Görüşdə “Əsir və itkin düşmüş, girov götürülmüş vətəndaşlarla əlaqədar Dövlət Komissiyası”nın, “MTE və PA Birliyi”nin əməkdaşları, Səhiyyə Nazirliyinin Media və kommunikasiya şöbəsinin əməkdaşları, həmçinin Birinci Qarabağ müharibəsində itkin düşmüş vətəndaşlarımızın yaxınları da iştirak ediblər.
Səhiyyə Nazirliyi “Məhkəmə-Tibbi Ekspertiza və Patoloji Anatomiya Birliyi”nin baş direktoru, professor Ədalət Həsənov insan hüquqları üzrə müvəkkilə birlikdə İkinci Qarabağ müharibəsi nəticəsində Qarabağda işğaldan azad edilmiş ərazilərdə 30 il əvvəl Birinci Qarabağ müharibəsi zamanı 4000-ə yaxın itkin düşmüş (qətlə yetirilmiş) soydaşlaımıza məxsus skeletlərin və sümük qalıqlarının xüsusi tibbi qaydalara müvafiq ekshumasiyası, qablaşdırılması, bu maddi sübutların Birliyin kriminalistika şöbələrində və müvafiq laboratoriyalarda məhkəmə-tibbi müayinəsi, istintaq orqanları (hərbi və mülki prokurorluq və s.) tərəfindən çıxarılmış qərarlarda qoyulan sualların cavablandırılması, aşkar edilmiş sümük qalıqlarına əsasən bu şəxslərin məhkəmə-tibbi identifikasiyası (eyniləşdirilməsində), bu sümük qalıqlarının xüsusi şəraitlərə malik depolarda saxlanılması və yaxınlarına təhvil verilməsində məhkəmə-tibbi ekspertizanın rolu və əhəmiyyəti barədə ətraflı məlumatlar verilib. İnsan hüquqları üzrə müvəkkil Dunia Miyatoviç və nümayəndə heyətinin digər üzvləri tərəfindən Birinci Qarabağ müharibəsində itkin düşmüş vətəndaşlarımızın yaxınları qəbul edilib, söhbətlər aparılıb.
Professor Ədalət Həsənov müvəkkil Dunia Miyatoviç və digər qonaqlara Birliyin Məhkəmə-tibbi Kriminalistika şöbəsi və şöbənin laboratoriyalarında aparılan işlər, Birinci Qarabağ müharibəsindən itkin düşmüş şəxslərin sümük qalıqlarının ekspertizası barədə ətraflı məlumat verib.
ƏLAQƏLİ XƏBƏRLƏR
XƏBƏR LENTİ
22 Noyabr 2024
ŞƏRHLƏRŞƏRH YAZ