Onlayn ictimai-siyasi qəzet
OPEK Baş katibi Novakla danışdı: Nəyi müzakirə etdilər?
Rusiya Baş nazirinin müavini Aleksandr Novak OPEK-in baş katibi Haitham əl-Qayis ilə telefonla danışıb.
Musavat.com Rusiya mətbuatına istinadən xəbər verir ki, Novak danışıqların əsas mövzusunun neft bazarındakı vəziyyət olduğunu deyib.
Onun sözlərinə görə, OPEC+ hazırda qlobal neft bazarındakı vəziyyəti balanslaşdırılmış kimi qiymətləndirir: “Bu gün biz cari vəziyyəti və proqnozları müzakirə etdik, ilk növbədə OPEC+ ölkələrinin fəaliyyəti sayəsində bugünkü bazarı balanslaşdırılmış kimi qiymətləndiririk”.
O qeyd edib ki, nazirlərin dekabrın 1-də keçiriləcək görüşündə alyans ölkələri “ilk növbədə bazarda sabit vəziyyətə yönəlmiş” qərarlar qəbul edəcəklər.
Əl-Qayis vurğulayıb ki, bundan əvvəl qlobal iqtisadiyyatda mövcud vəziyyətin təhlili, eləcə də dünyada neft tədarükünün həcmi və onun istehlakı ilə bağlı məlumatlar olacaq.
Musavat.com
XƏBƏR LENTİ
23 Noyabr 2024
22 Noyabr 2024
ŞƏRHLƏRŞƏRH YAZ