Onlayn ictimai-siyasi qəzet
DOST Agentliyinin Müşahidə Şurasının iclası keçirilib
DOST xidmətlərinə vətəndaş müraciətlərinin sayı 3 milyonu ötüb və bu xidmətlərdən vətəndaşların məmnunluğu 98,3 faiz təşkil edib.
Bunu DOST Agentliyinin Müşahidə Şurasının növbəti iclasında Şuranın sədri, əmək və əhalinin sosial müdafiəsi naziri Sahil Babayev bildirib.
O, Prezident İlham Əliyevin 9 avqust 2018-ci il tarixli Fərmanı ilə yaradılan Dayanıqlı və Operativ Sosial Təminat (DOST) Agentliyinin artıq 7 DOST mərkəzi, 1 DOST filialı və 1 “Smart DOST” məntəqəsinin fəaliyyət göstərdiyini qeyd edib.
Birinci vitse-prezident Mehriban xanım Əliyevanın təşəbbüsü olan DOST konsepsiyası sayəsində Azərbaycanda dövlət sosial xidmətlərinin müasir və çevik, tam şəffaf mexanizmlər üzərindən, “bir pəncərə”dən, innovativ əsasda təqdim edildiyi vurğulanıb.
Bölgələrdə DOST mərkəzləri və filiallarının açılması istiqamətində görülən işlərdən bəhs olunub, DOST mərkəzləri şəbəkəsinin daha da genişlənəcəyi bildirilib.
Azərbaycanın uğurlu sosial islahat nümunəsi olan DOST modelinin beynəlxalq səviyyədə də yüksək qiymətləndirildiyi və ötən dövrdə DOST Agentliyinin bir çox beynəlxalq mükafat və sertifikatla təltif edildiyi vurğulanıb. Qeyd olunub ki, hazırda bır sıra ölkələr DOST təcrübəsini öyrənərək onu tətbiq etməyə maraq göstərir və bu sahədə həmin ölkələrlə təcrübə mübadiləsi aparılır.
İclasda Agentliyin fəaliyyəti ilə bağlı 2024-cü il üzrə 9 aylıq hesabat təqdim olunub, həmçinin DOST mərkəzlərinin fəaliyyəti, qarşıda duran məsələlər və prioritetlər müzakirə olunub.
XƏBƏR LENTİ
24 Noyabr 2024
ŞƏRHLƏRŞƏRH YAZ