Onlayn ictimai-siyasi qəzet
Dondurulmuş sərvətlərdən bərpa kapitalına: Brüssel Moskvanın pullarına əl uzadır
Avropa Komissiyası Rusiya Mərkəzi Bankının dondurulmuş aktivlərindən əldə olunan vəsaitin Ukraynanın bərpasına yönəldilməsi üçün xüsusi sxem üzərində işləyir.
Söhbət təxminən 200 milyard avrodan gedir.
Musavat.com xarici agenltiklərə istinadən xəbər verir ki, bu barədə Politico saytı məlumat yayıb.
Məlumata görə, təklif olunan mexanizm aktivlərin birbaşa müsadirəsini nəzərdə tutmur. Çünki bir çox Avropa ölkəsinin fikrincə, bu addım hüquqi və maliyyə baxımından ciddi risklər yaradardı. Bunun əvəzində Avropa Komissiyasının hüquqşünasları xüsusi fond yaradılmasını təklif ediblər. Həmin fonda Avropa İttifaqı ölkələri ilə yanaşı, Böyük Britaniya və Kanada da dondurulmuş rus aktivlərindən əldə edilən gəlirləri köçürə biləcək.
Bu sxem həm də Macarıstanın dəfələrlə tətbiq etdiyi veto problemini aradan qaldırmağa hesablanıb.
Məsələ üzrə yekun müzakirələrin 30 avqustda Kopenhagendə keçiriləcək qeyri-rəsmi görüşdə – Avropa İttifaqına üzv 27 ölkənin xarici işlər nazirlərinin toplantısında aparılması planlaşdırılır.
Musavat.com
XƏBƏR LENTİ
29 Avqust 2025
ŞƏRHLƏRŞƏRH YAZ