Onlayn ictimai-siyasi qəzet
Diplomatik fiasko: Trampın nümayəndəsi protokolu pozdu, Kremlin mesajını səhv çatdırdı
ABŞ prezidenti Donald Trampın xüsusi elçisi Stiv Uitkoff Moskvada Rusiya prezidenti Vladimir Putinlə görüş zamanı diplomatik protokolu pozub.
Musavat.com xarici agentliklərə istinadən xəbər verir ki, o görüşə adətən iştirak edən və rəsmi qeyd aparan Dövlət Departamenti nümayəndəsiz qatılıb. Nəticədə Kremlin mövqeyi barədə yanlış məlumat verilməsi ilə bağlı qarışıqlıq yaranıb.
Uitkoff 6 avqustda Moskvadakı görüşdən sonra Trampa bildirib ki, Putin guya müharibəni dayandırmaq üçün “əhəmiyyətli ərazi güzəştlərinə hazırdır”. Bu məlumat əsasında Tramp Putinə sammit təklifi verməyə razılıq göstərib.
Ertəsi gün Uitkoff Avropa liderləri ilə söhbətdə Putinin Zaporojye və Xersondan qoşunlarını çıxarmağa hazır olduğunu, bunun müqabilində isə Kiyevin Donetsk və Luqanskdan imtina etməsini istədiyini söyləyib. Reuters-ə danışan mənbələrin sözlərinə görə, bu iddia Avropa rəsmilərini şoka salıb, çünki Putinin mövqeyi barədə onların məlumatları ilə ziddiyyət təşkil edirdi.
Bir gün sonra isə Uitkoff öz açıqlamasını dəyişərək bildirib ki, Kreml əslində qoşun çıxarmağı təklif etməyib, sadəcə Qərbdən Zaporojye və Xersonun Rusiyanın tərkib hissəsi kimi rəsmi tanınmasını tələb etməyəcəyinə işarə edib.
Reuters yazır ki, bir sıra amerikalı rəsmilər, o cümlədən Trampın Ukrayna üzrə müşaviri Kit Kellogg, Uitkoffun Moskvadan ziddiyyətli məlumat gətirməsindən ciddi narazılıq bildiriblər. Bu isə Vaşinqtonun Rusiya ilə bağlı daha sərt mövqeyə keçdiyi bir vaxtda baş verib.
Musavat.com
XƏBƏR LENTİ
29 Avqust 2025
ŞƏRHLƏRŞƏRH YAZ