Onlayn ictimai-siyasi qəzet
Hava limanında saxlanılan Şəbnəm Tovuzlu: "Bakıdan xeyli müğənni, meyxanaçı, aparıcı bura axışıb"
Müğənni Şəbnəm Tovuzlu Rusiyadakı hava limanında 6 saat saxlanıldıqdan sonra nəhayət dəvət aldığı toy məclisinə yola düşə bilib.
Musavat.com xəbər verir ki, bu barədə müğənni özü məlumat yayıb.
Şəbnəm Tovuzlu bildirib ki, sözügedən məclisə Azərbaycandan xeyli sayda müğənni, meyxanaçı və aparıcı dəvət olunub:
"Artıq hər şey qaydasındadır, biz Tolyatti şəhərindəyik. Məlum olduğu kimi, hava limanında bizi pasport yoxlanışına görə xeyli saxladılar, bir az da incitdilər. Yəni, yoxlanışlar gedir. Təkcə biz deyil, hər kəsə tətbiq olunur. Namiq Qaraçuxurlu 11 saat, biz isə 6 saat gözləməli olduq. Bakıda demək olar ki, müğənni, meyxanaçı, aparıcı qalmayıb, hamı bizim gəldiyimiz bu toya dəvət alıb - 4 aparıcı, 10 müğənni və sairə”, - deyə müğənni açıqlayıb.
Xatırladaq ki, son günlərdə bir sıra tanınmış sənətçilər, o cümlədən Nadir Qafarzadə və Şəbnəm Tovuzlu Rusiya hava limanlarında saatlarla saxlanılmalarından şikayətləniblər.
Məsələ ilə bağlı hüquqşünas Əkrəm Həsənov isə bildirib ki, bu, xüsusi olaraq azərbaycanlı müğənnilərə qarşı tədbir deyil:
“Sadəcə Rusiya ərazisinə buraxılmadan öncə əlavə yoxlamadır və ümumən ölkədəki faktiki hərbi vəziyyətlə bağlıdır”.
Xalidə Gəray,
Musavat.com
XƏBƏR LENTİ
29 Avqust 2025
ŞƏRHLƏRŞƏRH YAZ