Onlayn ictimai-siyasi qəzet
Ermənistan Azərbaycana casusluqda ittiham edilən şəxslə bağlı MƏLUMAT YAYDI
Ermənistan İstintaq Komitəsi Xarici İşlər Nazirliyinin əməkdaşının həbs edildiyini açıqlayıb.
Musavat.com xəbər verir ki, bu barədə Ermənistan mediası məlumat yayıb.
Bildirilib ki, həbs olunan şəxs yüksək vəzifəli məmur deyil və respublikanın xaricdəki keçmiş konsulu olmayıb. Strukturdan verilən məlumata görə, ona xarici dövlətin xeyrinə casusluq və dövlətə xəyanət maddələri ilə cinayət işi açılıb.
Nazirliyin digər əməkdaşlarının və ya başqa şəxslərin cinayətdə iştirakı barədə məlumat yoxdur.
Əvvəlki məlumatlarda Ermənistanın Avstriyadakı konsulu Aşxen Aleksanyanın Azərbaycanın xeyrinə casusluqda ittiham olunduğu və bir neçə ay əvvəl paytaxt aeroportunda saxlanıldığı bildirilib. Daha sonra XİN binasında genişmiqyaslı axtarışlar aparılıb.
Lakin sonradan məlum olub ki, mediada soyad səhv göstərilib, həbs olunan şəxs Aşxen Arakelyandır.
Musavat.com
XƏBƏR LENTİ
29 Avqust 2025
ŞƏRHLƏRŞƏRH YAZ